Tërmeti në Meksikë, së paku pesë të vdekur

Një tërmet i fuqishëm që ka goditur gjashtë shtete të Meksikës, ka lënë të vdekur së paku pesë persona ndërsa ka shkaktuar panik të madh ndër qytetarë.

Shumë njerëz kanë qenë duke punuar nga shtëpitë, pasi kryeqyteti Meksiko Siti është në izolim, për shkak të pandemisë së koronavirusit. Megjithatë, raporton RFE, sistemi i alarmit të qeverisë ka funksionuar mirë, duke u dhënë banorëve kohë të dilnin nga shtëpitë.

Epiqendra e tërmetit me magnitudë 7.4 shkallës Richter ishte në shtetin jugperëndimor Oaksaka.

Gjashtë orë pas tij janë regjistruar mbi 400 tërmete tjera në rajon.

Tërmeti ndodh më pak se tre vjet pas një tërmeti tjetër të fuqishëm, i cili ka lënë qindra njerëz të vdekur dhe mijëra të pastrehë në Meksiko Siti.