Tërmeti në Samitin e NATO-s/ Pas takimeve në Londër, Edi Rama: Konferencë të madhe Donatorësh!
Kryeministri Edi Rama e ka shfrytëzuar Samitin e NATO-s në Londër për të kërkuar ndihmë konkrete, pas situatës së krijuar me tërmetin shkatërrimtar të 26 Nëntorit, me qëllim të organizimit të një Konference të madhe Donatorësh!
“Për mua ky ishte objektivi kryesor i gjithë këtij Samiti dhe u ndjeva i inkurajuar nga fakti që të gjithë ishin jo vetëm në dijeni por edhe të intresuar të dinin më shumë.
Bëra bisedë të gjatë me presidentin e Francës, kancelaren, kryeministrin e Hollandës dhe sërë liderësh të tjerë, kryeministrja e Danimarkës ka qenë jashtëzakonisht e përfshirë dhe e interesuar, kryeministri Conte, i Kanadasë, Erdogan, me Presidentin Trump kemi folur, qëllimi është të organizojmë një konferencë të madhe donatorësh. Reagimet e para kanë pozitive por do punojmë intensivisht”.
Ndërkohë edhe nga Samiti i NATO-s në Londër bëri politikë me thirrjen e përditshme drejtuar Lulzim Bashës për bashkëpunim, duke përdorur tragjedinë që ka pllakosur kombin shqiptar:
“Gjënë më normale në botë, s’ka asnjë sens që të vazhdojë historia me deklarata në distancë kur ne të gjithë jemi jo vetëm të goditur nga e njëjta tragjedi por nga ana tjetër të gjithë jemi në nevojë për të ndërtuar çatinë e një shtëpie më të madhe se shtëpia e politikës, që është shtëpia e Shqipërisë”.
