Tërmeti tragjik/ Domosdoshmëri, Edi Rama: Qetësi, Siguri dhe Opozitë…

Kryeministri Edi Rama ka mbledhur qeverinë në një mbledhje të jashtëzakonshme edhe në ditën e gjashtë pas tërmetit tragjik të 26 Nëntorit ku theksoi se është domosdoshmëri të kërkohen rrugët për t’u fokusuar në aspektin psikologjik, duke sjellë qetësi dhe siguri ndërsa nuk harroi të merret edhe me politikë madje tha se nuk e kupton qasjen refuzuese të nevojës që edhe partitë politike të ulen në një tryezë dhe të bëjnë përpjekje që të punojnë me njëra-tjetër dhe i bëri thirrje Lulzim Bashës dhe opozitës që mos t’ia kursejë popullit shqiptar këtë nevojë.

Me këtë rast bëri të ditur se sot do të mblidhet Komiteti Kombëtar i Rindërtimit ndërsa do të aktivizohet fondi prej 1 milion lekësh të reja.

“Fondi prej 1 milion lekësh te reja do të aktivizohet sot. Reagimi i parterëve është inkurajues. Mos harroni se është edhe një familje në Kosovë që duhet kontaktuar dhe duhet marrë këtë fond. Fëmijët do marrin bursën prej 15 mijë lekësh që do ta kenë deri në fund të shkollës së tyre, gjimnaz apo dhe universitet. Sot mblidhet Komiteti Kombëtar i Rindërtimit dhe me rëndësi është organizimi i punës,” tha Edi Rama deh për herë të parë kritikoi ministrin më të paaftë në qeveri, atë të Brendshëm, Sandër Lleshaj, ministria e të cilit sipas Kryeministrit kishte dobësi në reagimin kundër luftës kibernetike dhe lajmeve të rreme dhe mashtruesve.

Domosdoshmëri tha ai është të kërkohen rrugët për t’u fokusuar në aspektin psikologjik për të sjellë qetësi dhe siguri.

“Është një betejë e madhe, qarjet në godina, janë po njësoj në mendjen e njerëzve. Janë trauma që do të duhen vëmendje të madhe, pasi ata nuk janë turistë aty por janë pacientë,” tha Edi Rama dhe filloi të merret me Lulzim Bashën dhe përgjigjen e tij se “nuk është koha për propagandë” që Kryeministri nuk e kupton këtë qasje refuzuese.

“Ajo çka më shqetëson në këtë fazë është ngurrimi i opozitës për t’u përfshirë në këtë proces. Se kuptoj qasjen refuzuese të nevojës që edhe partitë politike të ulen në një tryezë dhe të bëjnë përpjekje që të punojnë me njëra-tjetër. Është koha që të reflektohet. Politika ka lindur për këtë. Se kuptoj që të ulen në tryezë përfaqësia që ka zgjedhur ky vend të jetë propagandë. Propaganda është që të lësh njerëzisht në pasiguri, kur ke mundësi që të bësh më shumë dhe flet që gjera që u takojnë të tjerëve,” tha sot Kryeministri Edi Rama i cili nuk  denjoi ti thotë as edhe një fjalë opozitës kur ajo i bëri të ditur se do ta braktis Parlamentin e Shqipërisë dhe do ta lë në qetësinë e tij autoritare, dhe tashmë e kupton se pa unitet kombëtar jo që nuk bëhet shteti por as edhe një operacion emergjent:

“S’dua të bej polemika. Por i bëj thirrje Lulzim Bashës dhe opozitës që mos t’ja kursejë popullit shqiptar këtë nevojë. S’po kërkoj që kjo gjë të bëhet për mua. Njerëzit duhet të shohin kudo bashkim, burim energjish. E kam mbështetur me respekt një mesazh të kryetarit të PD-së për bashkim. Po nuk duhen fjalët, por hapat. Nuk e vë aspak në dyshim që s’ka rast për hipokrizi, pasi mendoj se mesazhi ka qenë i sinqertë. Më vjen keq për rolin absolutisht problematik të mediave në këtë proces. Jo të gjitha natyrisht.”