Tërmeti tragjik në Turqi, 29 të vdekur dhe 1.400 të plagosur, vazhdon operacioni kërkim-shpëtimit
Ekipet e kërkim shpëtimit kanë vazhduar operacionin në rrënoja në kërkim të mbijetuarve pas tërmetit të fuqishëm i cili goditi Turqinë lindore mbrëmjen e së premtes, ku sipas të dhënave të fundit kanë mbetur të vdekur 29 persona dhe më shumë se 1.400 janë plagosur.
Mediat turke kanë transmetuar punën e 400 ekipeve të kërkim-shpëtimit duke nxjerrë të mbijetuarit nga rrënojat edhe 21 orë pas tërmetit.
Ministri i Brendshëm, Suleyman Soylu, vlerëson se janë dhe 22 njerëz që janë identifikuar nën rrënoja.
#SONDAKİKA
— TRT HABER (@trthaber) January 25, 2020
23 saat sonra mucize kurtuluş
Enkazdan 2,5 yaşındaki bir çocuk kurtarıldı.https://t.co/dceP4tTLZi
AFAD, shpëtuan 43 persona
Autoritetit për Menaxhimin e Fatkeqësive dhe Emergjencave të Turqisë, AFAD, raporton se deri më të tani kanë arritur ti shpëtojnë 43 persona ndër të cilët edhe një vajzë 2 vjeçe. Ndërkohë mediat turke raportojnë se vazhdon operacioni i shpëtimit të një nëne e cila vazhdon dhe thirr për ndihmë.
AFAD raporton se 25 persona kanë humbur jetën në Elazığ dhe katër persona në krahinën fqinje Malatya, dhe 1.466 persona kanë mbetur të plagosur.
Ministri i Shëndetësisë, Fahrettin Koca, tha se 128 janë vendosur nëpër spitale, 34 prej të cilëve në reanimacion por nuk janë në rrezik për jetën.
Pas tërmetit të fuqishëm me magnitudë 6.8 të shkallës Rihter që goditi mbrëmë në orën 20:55 (18:55 GMT) Turqinë, në veri të Çüngüş dhe lindje të Elazığ, rreth 550 km nga Ankaraja, AFAD raporton se pasuan edhe 462 pasgoditje.
Ekipet e kërkim-shpëtimit vazhdojnë punën ndërsa pengesa kryesore është temperatura e ulët që ka shkuar tashmë në -8 gradë celsius.
Elazığ’da 28 saat sonra bir mucize daha…
— TRT Haber Canlı (@trthabercanli) January 25, 2020
2,5 yaşındaki Nüsra Yıldız'ın annesi Ayşe Yıldız da enkazdan sağ olarak kurtarıldı.https://t.co/ppYv5j4wLv https://t.co/46qPemFx08
Në shenjë solidariteti me viktimat e tërmetit, vendin e ngjarjes e ka vizituar edhe Presidenti Recep Tayyip Erdogan ku premtoi se do të bëjë gjithçka që varet nga ai në mënyrë që banorët e pastrehë tashmë të sistemohen, raporton Agjencia e lajmeve France Presse.
Ndryshe, Turqia është njëra ndër zonat më sizmike në botë që është dhe arsyeja e lëkundjeve të shumta. Në vitin 1999 në tërmetin me magnitudë 7.4 të shkallës Rihter që goditi Turqinë mbetën të vdekur më shumë se 17.000 njerëz ndër të cilët qindra në Stamboll. Ekspertët konsiderojnë se në çdo moment ekziston mundësia e lëkundjeve më të fuqishme në Stamboll, në qendër ekonomike më të madhe në vend, me mbi 15 milionë banorë, ku ka godina të shumta janë ndërtuar pa plan dhe pa standarde sizmike.
