Tërmeti tragjik/ Reagimi, Ambasada e SHBA: Si gjithnjë pranë njëri-tjetrit në kohë të vështira

Pas tërmetit të fuqishëm të orës 03:54 me magnitudë 6.4 të shkallës Rihter dhe qindëra pasgoditjeve, ku numri i viktimave sa shkon dhe rritet ndërkohë vazhdojnë aksionet e kërkim-shpëtimit, Shtetet e Bashkuara duke shprehur përmes Ambasadës së SHBA në Tiranë ngushëllimet më të thella për të gjitha familjet dhe komunitetet e prekura nga tërmeti, theksojnë se janë pranë tyre si gjithnjë që kanë që ndruar amerikanët dhe shqiptarët në kohë të vështira.

“Shtetet e Bashkuara janë pranë miqve tanë në Shqipëri, ashtu si amerikanët dhe shqiptarët kanë qëndruar gjithnjë pranë njëri-tjetrit në kohë të vështira,” thekson Ambasada e SHBA në Tiranë në mesazhin e saj të solidarizimit përmes rrjetit social Facebook duke përfunduar:

“Ne vijojmë të ndjekim situatën nga afër dhe jemi në gatishmëri për të ofruar mbështetjen tonë.”