Terzia i Kryetarit Nënkryetar!
nga Agim Popoci
As Edi Rama që i veshi fillimisht Lulzim Bashës e më pas Nënkryetarit të tij petkun e shkatërruesit të Partisë Demokratike, nuk e kishte menduar ditën aq të zezë për demokratët si ajo e të martës së 21 marsit ku KAS përkatësisht Kolegji Zgjedhor do të përcaktojnë nivelin se sa demokratë janë shqiptarët që aq shumë sakrifikuan për themelimin dhe qëndresën e kësaj partie të larë me gjak nga komunistët!
Shumë energji u konsumua nga 8 Janari i kobshëm i vitit 2022, shumë sharje u shtuan para dhe pas zgjedhjeve të pjesshme të 6 Marsit, dhe shumë tensione u mbingarkuan ndër demokratë pa e kuptuar se terziu që qepi petkat e ditëzive që drejtojnë këtë përçarje drejt shkatërrimit të Partisë Demokratike, është dhe fajtori kryesor i gjithë kësaj maskarade elektorale që degjeneroi deri në shpikjen epike që do mbahet në mend gjatë në analet e gjyqësorit: Kryetari Nënkryetar!
Petkat që rëndojnë mbi këta liderë të shkatërrimit të Partisë Demokratike që drejtojnë grupin e deputetëve që njohin vetëm urdhrat e Edi Ramës, mund të jenë mëkati i tyre i madh, por jo dhe arsyeja e përçarjes ndër demokratë dhe vëllezër; Madje, as pas shpërfilljes që i bënë mashtrimit me hapjen e dosjeve dhe reformën territoriale ndërsa pranuan që edhe drejtësinë ta kërkojnë në gjykatat e kontrolluara nga një Kryeministër kriminel!
Po, shkodranët duhet ta dinë se kush janë ata që vazhdojnë të përçajnë demokratët edhe pas zgjedhjeve të 6 Marsit, kur të gjithë të mashtruarit u kthyen në folenë e tyre me një kërkim falje për damkosjen që i bënë familjes së demokratit të madh Ali Spahia dhe të birit të tij, Bardhit, që u zgjodh me shumë sakrifica, Kryetar i Bashkisë Shkodër! Ashtu siç e dinë se Benet Beci i bëri lekët me të cilat sot blenë votat shkodrane nga posti që mbante në kohën kur PD ishte në pushtet!
Por shkodranët nuk duhet ti lejojnë vetes të shkelin mbi gjakun e 2 Prillit vetëm pse sot na doli një terzi komunist që arrin t’ju vesh petkat e qepura nga Sigurimi i Shtetit edhe atyre që u strehuan në pushtetin e Partisë Demokratike, vetëm pse familja demokrate ishte aq shumë bujare!
Demokratët kanë nevojë të dinë se kush janë ata që e bënë pis Mirditën e Kukësin, dhe, pse, por nuk kanë të drejtë të shpërfytyrohen duke u bërë pjesë e lojës së Edi Ramës! Lejet e ndërtimit, punësimet dhe tenderat që ata marrin për përçarjen e Partisë Demokratike në emër të “Sali Komunistit”, nuk duhet ti shërbejnë këtij operacioni kriminal i cili nga Miloti në Bajram Curr kontaminoi një popull të tërë dhe shkeli traditat e familjes shqiptare, të ruajtura me shumë fisnikëri ndër shekuj edhe kur paraardhësit e Edi Ramës i shkelën me këmbë!
Bazuar në forcën e grushtit të shefit të tij, sot Taulant Balla mund ta bëjë kë t’ja doj zemra si Avokat të Popullit ashtu dhe Anëtar të Autoritetit të Dosjeve të Sigurimit të Shtetit, por, atij asnjë demokrat nuk duhet ta lejoj që ti shkelë si familjen Gjomarkaj ashtu dhe atë Mirakaj!
Që një deputet demokrat merr leje ndërtimi nga pushteti komunist në Tiranë nuk është hera e parë, por asnjë demokrat nuk duhet të lejoj që këto leje ndërtimi të bien mbi kurrizin e kuksianëve vetëm pse kështu e vendosi Kryetari i partisë me Kunatin e tij! Ashtu siç ndodhi me protestat kundër taksës në Rrugën e Kombit, të cilat nuk u shuan, por u zhdukën nga faqja e dheut me urdhër të partisë!
Shumë çudira kanë ndodhur në Fier ndër demokratë por kurrë nuk ka ndodhur që Kryetari i tyre të mos flas me Drejtuesin Politik të cilin e solli Kryetari i PD, që më vonë rezultoi se ishte nën urdhrat e Kunatit të plotfuqishëm! Por, ja që ndodhi dhe ja që Partia Demokratike po vuan pasojat e një minimi strukturor të cilën fierakët duhet ta dinë, ashtu siç dinë se pse Kryetari i PD Mallakastër punoi kundër demokratëve të Fierit, Lushnjës dhe gjithë Shqipërisë!
Vlora u servir si kulmi i përçarjes ndër demokratë edhe kur ata vendosën ti drejtohen kutive të votimit në primare, por askush nuk e ka menduar se më shumë nga të gjithë do të shqetësohet njeriu që mbanë petkat e Kryetarit Nënkryetar për fituesin Hysni Sharra! Socialistët vlonjatë mund ta shohin sërish Edi Ramën duke i frikësuar me shamizeza e sali berishë, por nuk kuptojnë se pse po e bëjnë këtë gjë demokratët e njeriut nën petkun e Kryetarit Nënkryetar!
Ndërsa demokratët gjirokastritë janë të shqetësuar për varfërinë dhe shpopullimin e qytetit, nuk e kuptojnë se ku hynë këtu Saliu dhe pse ata që kanë marrë përsipër të veshin petkut e mbrojtësit të PD, nuk e shohin këtë fakt! Fajet i ka Saliu, ishte një akuzë që e kishin dëgjuar edhe më parë, por jo nga goja e një demokrati që sot gumëzhinë mjes, drekë, darkë!
Në fund, demokratët e gjithë Shqipërisë duhet ta dinë se pse Edi Rama nuk po gjenë njeri ti vesh petkat për të sharë kandidatët e PD të dalë nga primaret në Durrës dhe Elbasan! Kandidatët e durrsakëve dhe elbasanllinjëve janë produkt ekskluziv i marrëdhënieve model ndër demokrat që këta lider kultivuan nga momenti i parë përplasjes që Edi Rama ngjizi në PD, duke fol për petkat që ky soj demokrati edhe kishte veshur!
Kështu, Partia Demokratike në Durrës dhe Elbasan arriti të shpëtoj fytyrën të cilën ia bëri pis Kryeministri me asqerët e tij demokratë, dhe, vetëm kështu në gjithë Shqipërinë nuk do ti lejohet as njerëzve të veshur me petkat e Edi Ramës ti japin fund operacionit të nisur vite më parë për shkatërrimin e PD dhe familjes së shëndoshë demokrate, duke pasur parasysh gjithmonë thënien e vjetër dibrane:
“Në më shanë ftyrën, ke sha Perëndin. Në më shanë petkat, ke sha terzinë!”
