Testet e shpejta për 8-10 javë, Drejtori i OBSH: Ja si do të shpërndahet vaksina Anticovid…

Drejtori i Organizatës Botërore të Shëndetësisë për Evropën, Dr.Hans Kluge, pas takimit me ministren e Shëndetësisë, Ogerta Manastirliu, sqaroi në Tiranë se cila është ndihma që OBSH pritet të japë si për vaksinë Anticovid ashtu dhe testet e shpejta, për të cilat madje premtoi se për 8 apo 10 javë do të vijnë në Shqipëri.

“Më e rëndësishmja është se Shqipëria ka 5 herë rritje në testim, por jo vetëm testimi, por një paketë masash, testohet, gjurmohet, karantinohen personat e prekur dhe masat që duhet të mbajnë qytetarët si: larja e duarve, higjiena. S’kemi një kurë, por deksometazoni ishte një zhvillim i madh për pacientët në gjendje të rëndë. Ka pasur sukses aty. Testmi nuk është zgjidhje magjike, duhen të gjitha hapat e tjera. Na duhen vërtet testet e shpejta. Do t’i sjellim shumë shepjt në Shqipëri, pas 8 apo 10 javësh, por ne po përpiqemi ta shkurtojmë afatin” premtoi Drejtori i OBSH ndërsa për vaksinën Anticovid sqaroi:

“Vaksina është ajo që e quajmë një e mirë globale, 20% e propullsisë do ndahet në 3 nëngrupe, 3% e marrin menjëherë sapo të prodhohet, stafet mjekësore, përqindja tjetër shkon te personat mbi 65-vjeç, dhe ata që janë të riskuar nga sëmundje koronare. OBSH është për këtë të mië globale që të ketë barazi në shpërndarje,” tha duke garantuar se Shqipëria është e barabartë me vendet e tjera të botës sa i përket marrjes së vaksinës.

Në fund, Dr.Hans Kluge dhe Ogerta Manastirliu kanë nënshkruar një Marrëveshje Bashkëpunimi midis Ministrisë së Shëndetësisë dhe Mbrojtjes Sociale dhe Zyrës Rajonale të OBSH-së për Evropën që synon të përmirësojë mbulimin e Kujdesit Shëndetësor Universal dhe reagimin ndaj emergjencave duke kontribuar për një popullsi më të shëndetshme.