Tetë të vdekur nga zjarri në një hotel në Ukrainë

Tetë persona kanë vdekur pas shpërthimit të një zjarri në Hotelin “Tokyo Star” në Odesa të Ukrainës, njoftoi shërbimi ukrainas për emergjenca.

“Tetë persona kanë vdekur nga zjarri dhe dhjetë të tjerë janë shpëtuar”, thekson shërbimi për emergjenca, raporton RFE.

Zjarri shpërtheu në orët e oara 17 gushtit, njoftuan autoritetet.

Ende nuk dihen shkaqet e shpërthimit të zjarrit. Hoteli “Tokyo Star”, ka 273 dhoma por shërbimi për emergjenca nuk ka treguar se sa persona gjendeshin në hotel në momentin e shpërthimit të zjarrit.

Autoritetet kanë nisur një hetim për të përcaktuar shkakun e këtij incidenti.