Thaçi: BE, pa vonesa të marrë vendimin për heqjen e vizave

Vonesa në liberalizimin e vizave për qytetarët e Kosovës ka qenë çështje që serish e diskutuar mes Presidentit Hashim Thaçi dhe zyrtarët e lartë të Bashkimit Evropian në Bruksel.

Presidenti Hashim Thaçi pas takimeve të zhvilluara tha se në takimet me presidentin Tusk dhe komisionerin Hahn, ritheksoi se zvarritja e vendimit për liberalizimin e vizave është e pakuptimtë dhe e papranueshme.

“Bashkimi Evropian, pa vonesa të tjera, duhet ta marrë vendimin për heqjen e vizave dhe duhet ta përshpejtojë rrugëtimin e Ballkanit Perëndimor në familjen evropiane. Status quo-ja dhe mosmarrëveshjet ndërmjet shteteve të Ballkanit Perëndimor tejkalohen vetëm me lidership dhe vizion të qartë të Bashkimit Evropian për tërë rajonin tonë,” thekson Presidenti Thaçi, duke shtuar se Kosova e ka orientim strategjik Bashkimin Evropian.