Thaçi dhe Mustafa vendosin: Avdullah Hoti kandidat për Kryeministër!
Past takimit të Presidentit të Kosovës, Hashim Thaçi dhe kryetarit të LDK-së, Isa Mustafa, presidenti i ka kërkuar propozimin e kandatit për Kryeministër të ri, i cili, sipas Thaçit duhet të sigurojë të krijojë Qeveri stabël dhe gjithëpërfshirëse.
Dhe, njeriu që dyshja kriminale e Kosovës, Thaçi-Mustafa, mendon se mund ta realizoj këtë gjë është, Avdullah Hoti.
Kjo u konfirmua edhe në Kryesinë e Lidhjes Demokratike të Kosovës në mbledhjen e cila u zhvilluar sot dhe zyrtarisht tashmë Avdullah Hoti, është kandidat për Kryeministër, pasi Këshilli i Përgjithshëm i LDK ka vendosur për koalicion me AAK-në, Nisman, AKR-në dhe minoritetet.
“Në përputhje me mandatin kushtetues dhe në respektim të Aktgjykimit të Gjykatës Kushtetuese, në rastin nr. K0103/14, me qëllim të shmangies së zgjedhjeve të parakohshme, ruajtjes së stabilitetit të vendit dhe në përputhje me urgjencën për t’i dhënë vendit Qeveri të re me legjitimitet nga Kuvendi i Republikës së Kosovës, pas konsultimit me të gjitha partitë politike parlamentare dhe pajtimit të shumicës së tyre absolute për të formuar Qeveri të re, pas mosdërgimit të emrit të kandidatit për të formuar Qeverinë nga ana e Lëvizjes Vetëvendosje përkundër 5 kërkesave nga ana e Presidentit të vendit, si dhe në përputhje me Kriteret Mbizotëruese për formimin e Qeverisë së re, pas takimit të pasdites së djeshme ku kreu i LDK-së, Mustafa ka konfirmuar se ka siguruar shumicën e mjaftueshme në Kuvend, presidenti Thaçi ka përmes një letre i ka kërkuar emrin e mandatarit potencial për formimin e Qeverisë së Kosovës,” thuhet në letrën që Presidenti Hashim Thaçi i ka kërkuar kryetarit të LDK-së, propozimin e kandidatit për Kryeministër të ri të Kosovës.
