Thaçi: Kam firmosur mandatimin e Albin Kurtit për Kryeministër. Nëse nuk e pranon…

Presidenti i Kosovës, Hashim Thaçi, tha se ka firmosur mandatimin e kryetarit të Lëvizjes Vetëvendosje, Albin Kurti, për kryeministër, dhe i bëri thirrje që ta pranojë këtë vendim. Në rast se nuk e pranon, Hashim Thaçi tha se është e drejtë e Kurtit që ta refuzojë publikisht se nuk është i gatshëm ta formojë qeverinë.

Zgjidhjen e ngërçit politik, sipas Presidentit të Kosovës, e kanë partitë politike ndërsa shtoi se në rast të kalimit në një fazë tjetër si president i vendit do të punojë me tërë potencialin që të garantohet funksionimi demokratik i institucioneve të vendit.

Në fund, Presidenti i Kosovës, Hashim Thaçi, tha se vullneti i njerëzve të Kosovës është më i madh se çdo lider dhe vullneti për të lëvizur më shpejt i qytetarëve të Kosovës, është më i madh sesa pretendimi për të mbajtur peng një proces, një shtet dhe një popull.