Thaçi sot e kuptoi se nuk kryeson dialogun dhe refuzon Lajçakun

Sot kur është President i Kosovës, Hashim Thaçi, ashtu siç ishte Atifete Jahjaga dhe nuk po e pyet njeri në Bruksel meqë nuk ka vota, kur e kuptoj se nuk do ta udhëheqë dialogun, Thaçi tha se nuk do të marrë pjesë në procesin e dialogut që udhëhiqetë nga Përfaqësuesi i Posaçëm i BE-së për dialogun Kosovë-Serbi, Miroslav Lajçak. Dhe, ndërsa refuzon Lajçakun nuk refuzon ata që e emëruan, Angela Merkel dhe Emmanuel Macron.

“Ne si vend i pavarur dhe sovran dhe si ekip i Kosovës duhet gjithmonë të kemi parametrat për të qenë të vetëdijshëm se ky vend është i lirë, është i pavarur, sovran por përball i kemi dy negociatorë të cilët vijnë nga dy vendet që nuk e kanë njohur pavarësinë e Kosovës, ndërsa Lajçak edhe ka votuar kundër pavarësisë së Kosovës dhe kundër anëtarësimit të Kosovës në UNSECO. Prandaj, në këtë drejtim ne duhet të bashkëpunojmë me të gjithë, por edhe të bëjmë diferencimin e partnereve tanë strategjik se kush mund të përmbyll dhe kush ka kapacitet që të përmbyllë marrëveshjen dhe të implementoj marrëveshjen,” tha Thaçi duke bërë përpjekje të manipuloj opinionin se kundërshton të ulet me mbështetësin e politikës kriminale serbe ndërsa ulet me kriminelët serb siç janë zëdhënësi i Millosheviçit, Ivica Daçiç dhe ministri i kasapit të Ballkanit, Aleksandar Vuçiç; Madje me këtë të fundit tashmë President i Serbisë ishte i gatshëm edhe të shkëmbej territore, dhe ta ndajë Kosovën.

Dhe jo vetëm kaq! Deri sa kundërshton Lajçakun, Thaçi shprehet i gatshëm të marrë pjesë në Samitin e kancelares Merkel dhe presidentit Macron, të cilët vendosën që Lajçak të përfaqësoj Bashkimin Evropian në dalogun Kosovë-Serbi.

“Unë si president i vendit do t’i përgjigjemi çdo ftese, në veçanti sa i përket samiteve nga presidenti Macron dhe kancelarja Merkel, por nuk e kam vullnetin që të participoj në procesin e negociatave që udhëhiqet nga Lajçak.”

Në fund, Hashim Thaçi, fajtori kryesor që Kosovës nuk i janë liberalizuar vizat, dhe uzurpoi ligjshëm zyrën e Kryeministrit duke shkarkuar Isa Mustafën dhe duke vendosur Ramush Haradinajn, sot kryeministrin në detyrë, Albin Kurti, e quan “uzurpator të paligjshëm” të zyrës së Kryeministrit.

“Kurti në periudhën e tij të qëndrimit si kryeministër për 45 ditë derisa është shkarkuar nga 2/3 e Kuvendit të Kosovës apo është ndëshkuar nga deputetët. Pra, gjatë atyre 45 ditëve ka bërë edhe dy shkelje të rënda kushtetuese. Kështu që një njeri që ka bërë dy shkelje të Kushtetutës, i shkarkuar dhe i ndëshkuar nga 2/3 e Kuvendit, nuk mund ta quajmë ndryshe përpos uzurpator dhe pa ligjshmërisht duke qëndruar në zyrë,” tha njeriu që shpërfilli shumicën e krijuar qeverisëse dhe me Gjykatën Kushtetuese pamundësoi krijimin e koalicionit qeverisës dhe urdhëroi zgjedhjen e Ramush Haradinajt kryeministër.

I relaksuar për vendimin e Gjykatës Kushtetuese, meqë shumicën e gjyqtarëve të kësaj Gjykate i ka zgjedhur vet, ai tha se pret vendimin ndërsa u tall me Albin Kurtin e papërvojë i cili i mundësoi Thaçit të bëjë dhe maskarada të këtij lloji duke u shprehur:

“Sot për vendimin e Gjykatës nuk do të komentoj asgjë, sepse po keqkuptohem dhe po keqinterpetohem shpesh edhe nga ju (mediat). Ai (Kurti) ka ardhur me yryshin e shkarkimit të presidentit, por patëm deklaruar edhe në atë kohë se ai ka me shkuar më shpejt se presidenti. Kështu që është koha që edhe Kurti dhe e tërë grupi e tij të përballen me drejtësinë për shkak të aktiviteteve kriminale dhe politike.”