The Russians Are Coming, komedi e Edi Ramës me vaksina
“Russians are coming” ishte parullë e diplomatëve amerikanë gjatë Luftës së Ftohtë që konsiderohej si kërcënim i Bashkimit Sovjetik, në vitin 1966 “The Russians Are Coming” u bë dhe komedi nga amerikanët, e njohur si “Rusët po vijnë”. Sot nën kërcënimin e koronavirusit, Kryeministri Edi Rama në rastin më të mirë bënë komedi me vaksinat ruse por meqë është pasardhës i Enver Hoxhës harron se në ditët e fundit të vitit 2020 vetë ka deklaruar se oferta ruse për vaksina është provokim.
Sot, pse kjo komedi e Kryeministrit Edi Rama kur mburret me 10.000 vaksina ruse, apo provokon rivalët e tij politik të cilët Enver Hoxha me urdhër të rusëve i degdisi nëpër kampe internimi dhe mijëra prej tyre edhe i vrau.
Loja me Emiratet e Bashkuara se gjoja kanë sjellë këto vaksina si dhuratë nga Princi i Kurorës, Muhammed Bin Zayed, është rjedhojë e suksesit që korri me mishin e Nusretit dhe Portin e Durrësit, kur ato i merr tre muaj pasi Ambasadori rus në Shqipëri i ofroi dhe ky nuk i mori pasi 25 Prilli ishte shumë larg.
“Së shpejti shuma të konsiderueshme vaksinash të tjera do të pasojnë, duke na krijuar mundësinë të rrisim fuqishëm numrat e vaksinimeve ditore, për të dalë së shpejti nga tuneli i gjatë i kësaj lufte të egë,” tha Kryeministri Edi Rama me mbërritjen e këtyre vaksinave në Aeroportin “Nënë Tereza” gjë që lumturoi shumë rusofil si shoqja Luljeta Bozo por jo dhe ata që humbën të afërmit e tyre për 3 muajt e kaluar dhe ata që u burgosën pse ishin kundër Rusisë.
Ndryshe, ky lajm nga Edi Rama vjen edhe pse ai më 29 Dhjetor 2020 reagoi ashpër pas postimit në rrjetin social Facebook të Ambasadës së Rusisë në Shqipëri, ku thuhej se Rusia është e gatshme të sjellë vaksinën e saj “Sputnik V” në Shqipëri. Këtë postim, Rama e quajti të papërshtatshëm dhe provokim, ndërsa shtoi se nuk i shkon një shteti serioz si Rusia të përfshihet në prodhimin e memeve. Sipas Kryeministrit shqiptar, ky është një provokim qesharak nga shteti rus, ndërsa shtoi se mirëpret një ndjesë nga ambasada ruse, e Shqipëria, sipas tij, është e fokusuar te vaksinat e kompanive Pfizer, AstraZeneca dhe Moderna, ashtu si dhe vendet e Bashkimit Evropian.
Meqë rusët nuk i kërkuan falje Edi Ramës, pse ai nuk i kërkon falje kriminelëve të kuq që ka në parti që dje kundërshtoi nënën e tyre Rusi, dhe sot bënë komedi me vaksina dhe armikun e padukshëm, nuk dihet. Por kjo ishte rruga më e mirë për Edi Ramën që tashmë publikisht të bashkëpunon me Rusinë dhe jo përmes mutacioneve eneveriste që ka në Kryesinë e PS!
