Thelbësore, KE: Marrëveshja e 5 Qershorit të ruhet!
Ndërkohë që Kryeministri Edi Rama po debatonte me liderin e llumit opozitar për Marrëveshjen e 5 Qershorit, Komisioni Evropian, KE përmes Zëdhënëses Ana Pisonero i bënë të qartë se Marrëveshja se duhet të miratohet, dhe nuk është ashtu siç propagandojnë dyshja mashtruese Rama-Murrizi sepse marrëveshja përmbush rekomandimet e OSBE/ODIHR dhe është kusht i Këshillit Europian për hapjen e negociatave dhe se çdo ndryshim shtesë legjislativ nuk duhet të rrezikojë këtë qëllim parësor.
“Është thelbësore që marrëveshja e 5 qershorit për reformën zgjedhore në Shqipëri të ruhet, duke pasur parasysh domosdoshmërinë për të përmbushur rekomandimet e OSBE/ODHIR, një kusht i vendosur nga Këshilli marsin e kaluar para IGC,” thekson Ana Pisonero përmes rrejtit social duke i bërë të qartë llumit opozitar dhe atij që e shpiku, Edi Rama ndërsa e qartëson këtë të fundit edhe për ndryshimet kushtetuese:
“Çdo ndryshim shtesë legjislativ nuk duhet të rrezikojë këtë qëllim parësor!”
Ndryshe, mazhoranca me llumin opozitar kaloi në Komisionin e Ligjeve ndryshimet kushtetuese për heqjen e koalicioneve parazgjedhore dhe hapjen e listave, ndryshime këto që nuk ishin pjesë e Marrëveshjes së 5 Qershorit ndonëse ishte firmosur si nga përfaqësuesi i mazhoancës, Damian Gjiknuri ashtu dhe përfaqësuesja e llumit opozitar, Rudina Hajdari.
