Therë me thikë disa persona, policia në Londër e qëllon për vdekje
Policia në Londër ka qëlluar për vdekje një person. I dyshuari u qëllua për vdekje pasi theri me thikë “disa persona” , tha Policia e Londrës.
Autoritetet thanë se incidenti ndodhi në lagjen Streatham, në jug të Londrës.
“Rrethanat janë duke u hetuar. Incidenti është klasifikuar si incident i lidhur me terrorizmin,” tha policia londineze përmes një postimi në Twitter.
Dëshmitarët kanë thënë për BBC se kanë dëgjuar dy të shtëna me armë dhe në rrjetet sociale janë shfaqur fotografi të disa ambulancave që kanë arritur në vendin e ngjarjes dhe disa helikopterë që kanë fluturuar mbi zonën ku ndodhi incidenti.
