Theu herësin, Luçiano Boçi: Megjithatë nuk mund të bërtas dot FITORE! Beteja…
Duke falënderuar të gjithë ata qytetarë të Elbasanit që i besuan votën, kandidati i PD, Luçiano Boçi që theu herësin dhe fitoi mandatin e ri si deputet pas numërimit të votave personale, sot tha se nuk mjafton vetëm mirënjohja për strukturat e Partisë Demokratike.
“Vlerësime të sinqerta e të vërteta për Kryetarin e PD, zotin Basha që me besoi kandidimin, për Gazin që drejtoi me dinjitet fushatën e qarkut, për grupin cilësor të deputetëve që me diferencat e qëndrimeve e opinioneve kalimtare, më motivuan më shumë. Në fund, familja ime tashmë e rritur në numër, jam vetë unë!” tha Boç i në reagimin e tij përmes rrjetit social Facebook duke përfunduar:
“Megjithatë nuk mund të bërtas dot FITORE, sepse kjo e imja është thjesht një rreshtim i ri pranë të gjithëve ju! Beteja për të çrrënjosor të keqen që ka pushtuar vendin vazhdon…”
Ndryshe, pas numërimit të votave të 509 Qendrave të Votimit nga 511 sa janë gjithsejtë, Luçiano Boçi rezultoi se ka ka 10.930 vota që janë mjaftueshme për të thyer herësin, dhe për të zënë vendin e Eugen Isait i cili ndër 6 kandidatët fitues të PD, si mashkull ka nurmin më të vogël të votave, 3663.
Statusi i plotë:
Shumë pak të shprehësh vetëm falenderime për qytetarët e qarkut Elbasan, të cilët më votëbesuan ndershmërisht, me ideal e vërtetësi, pa u ndikuar as nga paratë e pushtetit, as nga dhuna e tij, as nga joshjet e miklimet për favore!
Nuk mjafton vetëm mirënjohja për strukturat e Partisë Demokratike të qarkut e drejtuesit e tyre, komisionerët, vëshguesit, grupet mbështetëse, përfaqësuesit e ZAZ-ve, numëruesit, të gjithë anëtarët e PD, të cilët më përkrahën pa bujë e zhurmë, po me shpirt e zemër, nē këtë betejë të pabarabartë me të keqen!
Përulje respekti për ekipin tim të mrekullueshëm e të jashtëzakonshëm, të palodhur, plot jetë, vlera e vizion, me vajza e djem të mençur, entuziastë e me shumë dëshirë për të ardhmen!
Nderime pa fund për shokët e miqtë e mi të shumë brezave e shtresave e bashkëpunëtorët e kaq viteve politikë, të cilët nuk u shkëputën as një minutë e centimetër nga lufta krah meje!
Vlerësime të sinqerta e të vërteta për Kryetarin e PD, zotin Basha që me besoi kandidimin, për Gazin që drejtoi me dinjitet fushatën e qarkut, për grupin cilësor të deputetëve që me diferencat e qëndrimeve e opinioneve kalimtare, më motivuan më shumë.
Në fund, familja ime tashmë e rritur në numër, jam vetë unë!
Megjithatë nuk mund të bërtas dot FITORE, sepse kjo e imja është thjesht një rreshtim i ri pranë të gjithëve ju!
Beteja për të çnjërrosor të keqen që ka pushtuar vendin vazhdon…
