Thiago Silva po vdiste në Rusi, por askush nuk e kuptoi

Trembëdhjetë vite më parë, Thiago Silva ka rrezikuar të vdiste për shkak të tuberkulozi në një spital të Moskës dhe është shpëtuar nga mjekës rusë.

Ka kaluar gjashtë muaj i vetëm në një dhomë, me frikën se nuk do të mund të luante më futboll. Ato kanë qenë ditë të tmerrshme, por tani është kthyer në Rusi si një yll, me objektivin për të pushtuar botën.
Jo të gjithë e dinë se në karrierën e suksesshme të Thiago Silva ka patur një etapë moskovite, që mund t’i kishte kushtuar karrierën si futbollist dhe jetën. Fati i tij është i lidhur me Rusinë që, sot si atëherë, mund t’i garantojë përsëri një jetë të re, këtë herë sportive, nën drejtimin e Tite.

Në janarin e 2005-ës, presidenti i Dinamos së Moskës, Alexei Fedorychev, ka një fiksim: të fitojë kampionatin dhe të marrë suksesin e parë kombëtar që nga 1976-a. Kështu, për të krijuar një skuadër perfekte i ka besuar ndërmjetësit të fuqishëm, Jorge Mendes, i cili, mes janarit dhe verës pasuese, ka dërguar në kryeqytetin rus 12 lojtarë, të përbërë nga talente portugezë dhe brazilianë.

Përveç Costinha dhe Derlei, kampionë të Europës një vit më parë me Porto-n e Mourinho-s, janë edhe Seitaridis, fitues i freskët i Kampionatit Europian të zhvilluar në Portuigali, Danny-n dhe një qendërmbrojtës të ri me emrin Thiago Silva. Por diçka nuk, transferimet e shtrenjta nuk sjellin efektin e dëshiruar dhe, në fund të sezonit 2004/05, bardhekaltrit e Oleg Romantsev. Ish-trajner i famshëm i Spartakut dhe Rusisë, i zgjedhur për të stërvitur koloninë portugeze të Fedorychev, e mbyllin në vendin e tetë.

Me pak fjalë, lojtarët e Jorge Mendes dështojnë të gjithë, ndërsa Thiago Silva nuk luajti kurrë. Por kurthi është zbuluar shumë shpejt: të gjithë lojtarët që shkuan te Dinamo janë marrë pa zhvilluar kontrollet e duhura mjekësore, dhe braziliani, i cili paraqitet shumë mirë në stërvitje, lodhet shpejt dhe lë të kuptohet se ka diçka që nuk shkon.

Simptomat nuk largohen: temperaturë e lartë, kollë, djersitje. Në fillim, stafi mjekësor mendon se mos bëhet fjalë për një ftohje të fortë, por disa ditë më vonë ndërrojnë mendim dhe fillojnë të shqetësohen për shëndetin e djaloshti. Në fakt, Thiago ka qenë i sëmurë me tuberkuloz prej 9 muajsh dhe vetë mjekët i kanë thënë: “Nëse sëmundja do të ishte zbuluar pak javë më vonë, do të kishe vdekur”.

Por kura duket më keqe se sëmundja, sepse stafi mjekësor sugjeron t’i heqë pjesën më të madhe të mushkërisë së djathtë për të rritur mundësitë për mbijetesë të brazilianit. Thiago Silva nuk ka qenë dakord dhe shpreson se mund të luajë akoma futboll. Gjë që nuk do të mund ta kishte bërë me një mushkri e gjysmë.

Kanë kaluar gjashtë muaj shumë të gjatë në një spital rus, në një tokë të huaj pothuajse vite dritë larg Brazilit. Lojtari bashkëjeotn me ankthin, shqetësimin dhe dëshpërimin. Më pas? Më pas situata përmirësohet me shkuarjen e prindërve dhe të fejuarës së tij në Moskë, Thiago-s i kthehet buzëqeshja. Dinamo e Moskës i ka paguar të gjitha kurat, por e ka lënë të lirë të largohet pas sakdencës së kontratës në janarin e 2006-ës.

Rikuperimi dhe ngritja e tij në botën e futbollit dihen tashmë nga të gjithë. Pasi është transferuar te Milan në 2009-ën, është bërë një nga më të mirët në botë në pozicion e tij, duke u krahasuar edhe me legjendën Franco Baresi para se tëkalonte te Paris Saint-Germain. Por ky sukses nuk është verifikuar me kombëtaren.

Në Afrikën e Jugut 2010, ai ka qenë zëvendësi i Juan dhe Lucio dhe më pas ka qenë i dëmtuar në Botërorin e luajtur në Brazil, ku është kritikuar shumë për shkak se ka refuzuar të gjuajë një penallti në 1/8-at kundër Kilit dhe më pas, për të verdhin e marrë në ndeshjen pasardhëse kundër Kolumbisë, që e ka detyruar të mungojë në ndeshjen kundër Gjermanisë, atë të humbur 5-1 nga pesë herë kampionët e botës në “Mineirazo”.

Brazilianët kanë humbur besimin tek ai nga ai moment. Dunga, që ka marrë vendin e Luiz Felipe Scolari pas Brazil 2014, e ka larguar gradualisht, me Silva-n që nuk është grumbulluar as për Kupën e Amerikës 2016. Situata nuk ka ndryshuar as me Tite, me Silva-n që ka luajtur vetëm në pesë ndeshje të fazës kualifikuese për në Rusi, dy prej të cilave si titullar. Edhe në ndeshjen hapëse kundër Zvicrës, Marquinhos-Miranda pritet të jetë dyshja e qendërmbrojtësve.

Si në romanet dhe skenarët më të mirë të filmave hollivudianë, ai djalë që mund të kishte vdekur në Moskë 13 vite më parë, mund të rifitojë vendin në formacionin titullar dhe të marrë një titull që i mungon Brazilit që nga 2002-shi. Thiago Silva kërkon rilindjen e dytë.