Thirret në SPAK për t’i komunikuar akuzat, Belinda Ballukut shfaqet në DPSHTRR duke prezantuar Drejtorin
Ministrja e Infrastrukturës, Belinda Balluku, si person nën hetim për shkelje të barazisë në tendera, nuk i është përgjigjur thirrjes nga SPAK për t’i komunikuar akuzat ditën e hënë, me arsyetimin se ndodhet jashtë vendit, ndërkohë, sot, Balluku është shfaqur duke prezantuar Drejtorin e ri të DPSHTRR, Kreshnik Bajraktari.
“DPSHTRR do ta drejtojë duke nisur nga sot Kreshnik Bajraktari. Kreshniku ka vite që punon me transportin rrugor, është inxhinier mekanik. Pra do keni një profesionit, një person që ka kontribuar në transportin publik. Kreshniku është një bashkëpunëtor i mirë, një zyrtar i ndërgjegjshëm. Për cka mund tju garantoj është që do jetë një drejtues mbështetës,” tha ministrja Balluku në prezantimin e Drejtorit të ri të DPSHTRR.
Në fletëthirrjen e dytë që është lëshuar nga SPAK, Ministres së Infrastrukturës, Belinda Balluku, iu kërkua që së bashku me një avokat të paraqitet në Prokurorinë Posaçme ditën e premte, nëse nuk paraqitet do të shoqërohet me forcë nga Policia.
Ndryshe, ftesa për Belinda Balluku, mban firmën e prokurorit të posaçëm Dritan Prençi, i cili ka kërkuar që Ministrja e Infrastrukturës të asistohet nga një avokat, praktikë kjo që nënkupton se ndaj saj mund të komunikohet zyrtarisht një akuzë penale.
