Thirrja e Ambasadores SHBA, Basha: Fokusi i PD, jeta, shëndeti dhe ekonomia e shqiptarëve, jo retorika politike!

Pas thirrjes së Ambasadores së SHBA, Yuri Kim, drejtuar liderëve politikë për unitet kundër COVID-19, ka reaguar lideri i opozitës Lulzim Basha duke theksuar se do vazhdojë të insistojë për testim dhe distancim social, të ofrojë zgjidhje konkrete dhe të kërkojë transparencë nga qeveria, por siguron se fokusi i PD është jeta, shëndeti dhe ekonomia e shqiptarëve, jo retorika politike.

“Falemnderit @USAmbAlbania & SHBA për ndihmën kundër #COVID19.
@pdshqiperi do vazhdojë të insistojë për testim dhe distancim social, të ofrojë zgjidhje konkrete & të kërkojë transparencë nga qeveria,” thekson Lulzim Basha në reagimin e tij përmes rrjetit social Twitter duke përfunduar:

“Fokusi ynë është jeta, shëndeti dhe ekonomia e shqiptarëve, jo retorika politike.”

Ndryshe, duke vlerësuar se tani nuk është koha për politikë, Ambasadorja e SHBA në Tiranë, Yuri Kim, i ka bërë thirrje Presidentit Meta, Kryeministrit Rama dhe liderit të opozitës Basha, të jenë të unifikuar në këto kohë kundër COVID-19.