THIRRJE/ Ambasada e SHBA, në 16 Shkurt – Protestë paqësore!

Në prag të Protestës së Madhe të Opozitës më 16 Shkurt, Ambasada e SHBA në Tiranë duke theksuar se e drejta e qytetarëve për t’i bërë kërkesa qeverisë dhe për të protestuar për ndryshim pozitiv janë simbole të një shoqërie demokratike të lirë dhe të shëndetshme, bënë thirrje që protesta e 16 Shkurtit të zhvillohet në mënyrë paqësore:

“E drejta e qytetarëve për t’u mbledhur, për t’i bërë kërkesa qeverisë dhe për të protestuar për ndryshim pozitiv janë simbole të një shoqërie demokratike të lirë dhe të shëndetshme. Është një e drejtë që ushtrohet shpesh në Shtetet e Bashkuara. Megjithatë, kjo e drejtë duhet ushtruar paqësisht,” thekson Ambasada e Shteteve të Bashkuara në Tiranë përmes rrjetit social Facebook duke i bërë thirrje të gjithë protagonistëve të protestës së të shtunës të refuzojnë dhunën:

“Dhuna kundër njerëzve ose pronës është e papranueshme. Ne iu bëjmë thirrje të gjithë atyre që janë përfshirë në protestën e së shtunës, dhe të gjithë udhëheqësve politikë shqiptarë, të refuzojnë dhunën dhe të sigurohen që protestat të zhvillohen paqësisht dhe në mënyrë konstruktive.”