Thirrje Ambasadores Kim, Anëtarja e KQZ me patronazhist: Ndihem e kërcënuar, merrni në mbrojtje…

Anëtarja e Komisionit Rregullator në Komisionin Qendror të Zgjedhjeve, Helga Vukaj, pasi u shpreh se ndihej e kërcënuar për shkak dhe të funksionit që ka, pasi patronazhisti që PS i kishte vënë në dispozicion për të mbikqyrur atë dhe i dinte edhe numrin e banesës merrej në mbrojtje nga kryeministri Edi Rama, i kërkoi ambasadores së SHBA-së, Yuri Kim dhe përfaqësuesve të tjerë ndërkombëtarë të marrin në mbrojtje të dhënat personale të shqiptarëve përshirë dhe të dhënat e sa.

“Si individ dhe më pas do marr profilin që më takon, në momentin kur dëgjoj që përndjekësi im, apo patronazhisti im që ka luajtur të dhënat e mia deri në numrin e banesës time, imagjinoni sa të rriskuar ndihemi ne të pavullnetshmit. Unë që nuk kam dhënë konsensusin askund që të më përdoret ID e të qarkullojnë poshtë e përpjetë këto të dhëna, edhe për hir të deklaratave që bëj si anëtar i KQZ –së të ndihem e riskuar kur përballë kam aureolën mbrojtjes nga lideri në pushtet ndaj patronazhistëve. Në vend që këta patronazhistë sot të ishin një ndjesë publike për veprimet që kanë bërë ndaj të dhënave personale të gjithësecilit sot këta janë marrë në mbrojtje,” tha Helga Vukaj dukshëm e shqetësuar edhe pas avokatisë që i bënë këtij veprimi kriminal Kryeministri Edi Rama në çdo tubim elektoral.

“Më lind automatikisht një thirrje, e vokacion i brenddshëm: Ju lutem ju lutem struktura ndërkombëtare të akredituara në Shqipëri. Zonja Kim, ambasadorja e SHBA, zotërinj të tjerë, shkëlqesi që drejtoni organizatat e akredituara në Shqipëri dhe jeni kontributorë në anëtarësimin tonë në NATO,” tha Anëtarja e Komisionit Rregullator në Komisionin Qendror të Zgjedhjeve, Helga Vukaj, duke përfunduar:

Jam shtetase e në vendi në NATO e nuk kam garanci në mbrojtjen e personale. Ju lutem merrni në mbrojtje të dhënat e çdo shqiptari, përfshirë të dhënat e mija. Ndihem e kërcënuar edhe për shkak të funksionit.”