Thirrje amerikanëve, Ambasada e SHBA në Moskë: Urgjent largohuni nga Rusia!
Ambasada amerikane në Moskë i ka bërë thirrje shtetasve amerikanë që largohen urgjent nga Rusia.
Më 21 shtator, thekson Ambasada, qeveria ruse ka filluar mobilizimin e qytetarëve të saj për forca të armatosura si mbështetje për pushtimin e saj në Ukrainë ,dhe Rusia mund të refuzoj të pranoj shtetësinë amerikane e atyre që kanë dyshtetësi.
Ambasada e SHBA tërheq vërejtjen se Rusia mund ti ndaloj ndihmën konsulore të Shteteve të Bashkuara, dhe urdhëroi largimin e tyre nga Rusia duke rekrutuar në ushtri ata me dyshtetësi.
“Turet me autobusë vazhdojnë të jenë të hapura. Nëse dëshironi të lragoheni nga Rusia, duhet të organizoni udhëtime individuale sa më shpejtë të jetë e mundur,” thekson Ambasada e SHBA në Moskë duke tërheq vërejtjen se mundësitë e udhëtimit do të kufizohen edhe më shumë ndërsa përfundon:
“Qytetarët e SHBA nuk duhet të udhëtojnë në Rusi, e ata që jetojnë ose udhëtojnë drejt Rusisë duhet menjëherë të largohen nga Rusia, derisa mundësitë për udhëtime komerciale ende ekzistojnë.”
Thirrje edhe Qeveria e Polonisë dhe Bullgarisë
Qeveria e Polonisë dhe Bullgarisë gjithashtu u kanë bërë thirrje shtetasve të tyre që vazhdojnë të jenë ende në Rusi që urgjent të largohen nga ky vend. Siç raporton Guardian, mund të bëhet fjalë për lëvizje të ndërmarra në pritje të rrëmujave të mëdha në vendkalimet kufitare duke pasur parasysh se numri i atyre që po braktisin Rusinë nga mobilizimi për luftë në Ukrainë, është gjithnjë e më i madh.
Ministria e Jashtme e Bullgarisë mbrëmë përmes një komunikate i ka bërë thirrje shtetasve të saj që “të përmbahen nga udhëtimi në Federatën Ruse” ndërsa këshillon bullgarët që janë në Rusi të “shqyrtojnë mundësinë e largimit nga vendi sa më shpejtë që është e mundur, duke përdor mjetet e transportit që janë në dispozicion”.
Edhe ministria e Jashtme e Polonisë ka bër thirrje të ngjashme, raportojnë mediat polake.
“Në rast të përkeqësimit drastik të situatës së sigurisë, mbyllja e kufijve dhe rrethanave tjera të paparashikuara, evakuimi mund të vëshitirësohet dukshëm ose të bëhet i pamundur. Rekomandojmë shtetasit polak që janë në territorin e Rusisë që të largohen duke përdor transport komercial ose privat.”
