Thirrje Edi Ramës, Basha: Jepi fund propagandës, merr Planin tonë dhe zbatoje!

Kryetari i Partisë Demokratike, Lulzim Basha, pas takimit me biznesin e vogël në Durrësi i bëri thirrje edhe një herë Kryeministrit Edi Rama për zbatimin e Planit të Rimbëkëmbjes Ekonomike me 5 Pika që ka shpalosur PD kundër krizës dhe çdo ditë që qeveria e vonon, rëndon gjendjen e shqiptarëve

“Ftesa që kam sot për qeverinë: Jepini fund lojërave dhe propagandës, merrni planin tonë me 5 pika dhe fillojeni e zbatojeni! Siguroni mbrojtjen ndaj pandemisë se po shtohen rastet, mbrojtje mjekëve dhe infermierëve, jepini pagën dhe rimbursim të sëmurëve se siç më tha një infermiere një i sëmurë me COVID-19 harxhon vetëm për barnat 60 mijë lekë, ndërsa nëse merr edhe oksigjen shkon deri në 12 mijë lekë të reja. Jepni 1 mijë euro për mjekët dhe 500 euro për infermierët,” tha Lulzim Basha ndërsa saktësoi se shqetësimi kryesor që më shprehën bizneset ishte rënia e konsumit:

“Xhepat e qytetarëve janë bosh, kursimet kanë shteruar, ndaj i ftoj të marrin masa, kush ka humbur punën të marrë pagesë prej 160 mijë lekësh për 6 muaj, për të ripunësuarit biznesi duhet të marrë mbështetje 200 mijë lekë. Biznesi i vogël të marrë një çek prej 1 mijë euro për 6 muajt e ardhshëm,” tha Kryetari i PD duke përfunduar:

“Plani ynë me 5 pika është kundër krizës dhe duhet të nisë zbatimim menjëherë. Çdo ditë që qeveria e vonon rëndon gjendjen e shqiptarëve, iu shtrëngon lakun në fyt shqiptarëve.”

“Plani ynë për pandeminë, s’ka lidhje me zgjedhjet!”

Përveç shpalosjes nga selia e Partisë Demokratike, Lulzim Basha edhe në takimet e tij me biznesin e vogël ka shpjeguar se plani i PD për pandeminë nuk ka lidhje me zgjedhjet, pasi duhet zbatuar tani deri në fillim të prillit.

”Dëgjova dje. Se ne e shpallëm planin. Se e ngatërrojnë njerëzit me programin ekonomik. Është plan për pandeminë. Sa i përket biznesit. Duhet të ndihmohet me 1 mijë euro çek. Dhe nuk është ndonjë gjë e madhe.

Tek personat që kanë humbur punën edhe për ata ndihmë. Nëse ke larguar njeri nga pandemia, dhe detyrohesh ta rimarrësh. Shumë biznese s’ia kanë dalë dhe i kanë hequr nga puna. Ne i propozojmë qeverisë të stimulohet duke i dhënë çdo punëmarrësi 200 mijë lekë, 20 mijë lekë pensionistëve. Rrit konsumin,” tha Basha duke shtuar se rënia ekonomike vjen prej rënies së konsumit:

“Rrinë në televizor dhe na thonë ne sa kemi dhënë. Pyetja nuk është sa ke dhënë, por sa do japësh. Apo duke u fshehur me premtime elektorale. Ne themi tani duhet t’i dalësh përpara. Nuk themi se është e mjaftueshme, por është minimumi jetik. Për 6 muaj është paketa. S’ka të bëjë me zgjedhjet, por me njerëzit. Ka të bëjë me xhepat e tavolinat e shqiptarëve. Është plotësisht e mundur, po të heqim dorë nga çdo shpenzim tjetër. Shqiptarët as me listat nuk ia dalin dot. 1 mijë euro për ju, nuk është mrekulli, por t’ju heqë disa shpenzime shtesë që i keni pasur këto 7 vite.”

“Ju e dini vetë që ekonomia është zinxhir. Po u këput një hallkë këputën të gjitha. Konsumi është kryesorja. Ndihma kryesore është nxitja e konsumit. Dhe 5 pikat që kemi propozuar, këtë kanë synim krysor. Bëhet fjalë për bukën e gojës, jo luks. Ka kohë edhe para pandemisë. Kjo vetëm sa e thelloi. Edhe para tërmetit,” tha Kryetari i PD duke rikujtuar se shpesh ka ardhur në Durrës dhe listat janë pa fund.

“Nuk japin më me listë se nuk ia dalin dot. Për t’i dalë para saj, është plotësisht e përballueshme. I jepet biznesit të vogël 1 mijë euro, 2 mijë do ishte dhe më mirë. Këtë do bënim ne po të ishim në qeveri. Pa zbukurime, pa propagandë, ky është realiteti,” tha ia duke sqaruar se si opozitë japin vetë Planin për ta zbatuar.

“As fushatë as plan ekonomik pas zgjedhjeve. Tani, tani. Tetor, nëntor, rënia do thellohet, prandaj duhet zbatuar që tani plani.”

Pjesë takimeve të Bashës me bizneset në Durrës, ishin edhe farmacitë, ku diskutoi me farmacistët lidhur me kushtet e vështira në të cilat ndodhen, për shkak të pandemisë së koronavirusit.

Njëra prej farmacisteve i tha se në varësi të gjendjes shëndetësore, se sa ka agravuar sëmundja, çdo pacienti i duhet të paguajë 500-600 mijë lekë të vjetra për ilaçet.

“Shpenzimet për paketën e plotë të ilaçeve të COVID shkojnë deri në 600 mijë lekë,” sqaroi ajo e nëse pacienti ka nevojë për oksigjen, aparati i oksigjenit kushton 800 euro.

“Nuk kanë mundësi ta blejnë, një aparat oksigjeni kushton 800 euro!”

Për të lehtësuar qytetarët nga kjo barrë, pasi jo të gjithë janë në gjendje ta përballojnë, Kryetari i PD, Lulzim Basha tha se Partia Demokratike ka propozuar që çdo i sëmurë me COVID të trajtohet në shtëpi dhe t’i rimbursohet 100% fatura e kurimit.

Biseda e plotë:

Basha: Është pronari edhe ju. Si e keni pas situatën këto muaj?
Qytetari: Në fakt nuk është se ka qenë mirë edhe situata, normalisht gjendja sa ka rënë, do s’do…
Basha: Dy javët e fundit më thanë disa nga bizneset e Durrësit, situata është edhe më keq, është e vërtetë edhe këtu? Ju shisni duhan, vetëm duhan. Po me rrogën, ketë njëjtën rrogë që ke patur apo ta kanë shkurtuar.
Qytetari: Të njëtën rrogë, thjeshtë shefi i ka paguar vetë nuk ëshë se ka marrë ndonjë ndihmë nga shteti.
Basha: E ka paguar nga xhepi domethënë?
Qytetari: Po.
Basha: Si e ka emrin pronari?
Qytetari: Argys …
Basha: Argysi s’është këtu apo jo?
Qytetari: Jo, për momenti jo.
Basha: Po pronarët e biznesit si ky që është biznes i vogël besoj ne i kemi propozuar 1 mijë euro çek për gjashtë muaj e ardhshëm që ato shpenzime që i nxjerrin sot nga xhepi për të paguar ty apo për të paguar taksat shteti, t’ju gjendet pranë në kohë të vështira, me siguri e ka dëgjuar ai propozimin tim këtë javë e kemi shpalosur kundër pandemisë por po ta them edhe ty sepse nga kjo përfiton edhe ti. Të uroj shëndet edhe të gjithë të mirat.
Qytetari: Faleminderit.
Basha: Mirupafshim, mirupafshim!
Basha: Sa vite e keni këtë farmaci?
Qytetari: 5 vite.
Basha: Është e juaja apo jeni punësuar?
Qytetari: Jo është e jona, me qira.
Basha: Si po ecën?
Qytetari: Gjendja aktualisht nuk është aq e mirë, për shkakë të pandemisë. Njerëzit janë të ezauruar, nuk është se kanë mundësi të blejnë, të paguajnë. Recetat shkojnë disi, jo të gjithë i përballojnë. Listat nëqoftëse ekzistojnë nëpër supermarket ekzistojnë dhe në farmaci. Kështuqë do duhet një paketë e re fiskale ose diçka tjetër që duhet parë.
Basha: Ça ndihme keni marrë gjatë 6 mujorit të parë të pandemisë?
Qyretari: Ça ndihme?!
Basha: Asgjë! Dhe këtu ka filluar me lista?
Qytetari: Me lista po po.
Basha: Sa kohë ka me lista?
Qytetari: Po gjate gjithë kohës ka pas po pjesa e pandemis i ka shtuar akoma më shumë.
Basha: Pra pandemia i ka nxjerr në pahë….
Qytetarja: Po. Po.
Basha: nuk është se është diçka e re.
Qytetarja: Vazhdon. Vazhdon.
Basha: Ne kemi propozuar 1000 mijë euro për çdo biznes të vogel për 6 muajt e ardhshëm. Një çek 1000 euro. Nuk është mrekulli, nuk është se zgjidh gjë, por të paktën t’ju vijë në ndihmë për të paguar disa detyrime minimale.
Qytetarja: Do ishte gjë e mirë, sepse stoku po rritet, skadenca rritet dhe kjo nuk është se po rimbursohet. Nuk kemi ndonjë rimbursim, por shpresojmë. Pse jo!
Basha: Ju shisni edhe paketën e ilaçeve për trajtimin e pacientëve me COVID apo jo, antibiotikët e këto?
Qytetarja: Patjetër!
Basha: Antibiotokët këto…
Qytetarja: Po po, antibiotikët pa dyshim.
Basha: Po këto janë të parimbursueshme?
Qytetarja: Jo jo nuk rimbursohen.
Basha: Domethënë dikush që sëmuret me COVID dhe trajtohet ambulator në shtëpi vjen i ble, por nuk i rimbursohet asgjë?!
Qytetarja: Patjetër, i ble kesh, kesh.
Basha: Sa shkon mesatarisht për një të sëmurë kostoja?
Qytetarja: Shkon gatii.. shifra është e lartë, është e lartë në varësi të gjendjes aktuale që mund të jetë sepse..
Basha: Shkon 500-600 mijë lekë? Apo dhe më shumë?
Qytetarja: Shkon shkon. Ato që janë trajtime që marin në shtëpi shkon edhe më shumë. Patjetër shkon goxha shtrenjt.
Basha: Edhe për këta kemi propozuar që kush është i sëmurë dhe trajtohet në shtëpi për COVID t’i rimbursohen 100% medikamentet, i gjithë trajtimi.
Farmacistia: Do të ishte mirë. Do ishte mirë dhe marshi i fitimit për farmacistin të jetë i caktuar sepse japim profesionin tonë për konsulta dhe duhet të merrte parasysh marshi.
Basha: Lekët nuk po shkojnë aty ku duhet se duhet të vijnë tek ju duhet të vijnë te individi te njeriu. Qeveria ka marrë një vendim dhe ka heq 1.8 million dollar që ishin për ndihmë për bujqësinë për kanalizime për ujitje ja ka dhënë prap inceneratorëve. Se inceneratorët na janë bërë si fantazma që përpijnë lekët e buxhetit të shtetit, pra lekët janë, por po shkojnë në drejtim të gabuar prandaj edhe propozimi ynë ky është ndërsa qëllimi i këtyre takimeve që zhvilloj është që të tregoj si është realiteti pa zbukurime pa e nxirë. Kështu siç është.
Qytetari: Unë që jam qytetar unë s’merrem me politikë kamë punuar 30 vjet thashë, e kam ndier veten të rëndësishëm kur ka patur punë ama edhe kështu të vish të rrish!