Thirrje Edi Ramës për reflektim, Meta: “Shengeni Ballkanik” i papranueshëm!
Presidenti i Republikës, Ilir Meta, pas takimit me homologun maqedonas Stevo Pendarovski kërkoj reflektim nga Edi Rama pas dështimit në negociatat me Bashkimin Evropian ndërsa iu referua reflektimit nga Maqedonia e Veriut dhe Kryeministrit Zoran Zaev.
E rëndësishme, tha Ilir Meta, që qeveria shqiptare të përmbushë dhe të tregojë vullnet për kushtet e vendosura nga Bundestagu gjerman dhe të bindë vendet skeptike për procesin e negociatave, ndërsa idenë e “Shengenit ballkanik” e konsideron të papranueshme.
“Dua ti shpreh mirenjohjen Bundestagut gjerman i cili pavarëissht nga mos dëgjimi nga ana jonë i këshillave të vazhdueshme sistematike të tyre për të lehtësuar edhe vendimarrjen e tyre edhe të udhëheqësve të BE arritën të bëjnë një invencion me qëndrimin zyrtar që mbajtën në Bundestag për të hapur rrugën për të dy vendet për çeljen e negociatave duke bërë dhe një dallim të qartë midis progresit të Maqedonisë se Veriut dhe progresit që do duhet të realizojë Shqiperia deri në hapjen reale të negociatave.”
Kemi një reflektim në Maqedonine e Veriut, tha Presidenti i Republikës, dhe kjo tregon dhe pjekurinë e tyre politike e demokratike.
“Edhe tek ne ka mjaft rënedësi të kemi një reflektim të menjëhershëm dhe të lexojmë me vëmendje gjithë ato detyrime që duhet t’i kishim përmbushur dhe duhet ti përmbushim, të gjitha janë në rezolutën e Bundestagut. Të forcojmë bashkëpunimin me vendet që kanë qenë më kritike, duhet ti bindim për seriozitetin tonë për të adersuar shqetësimet e tyre.
S’mjafton të themi që Franca apo Hollanda ka këto probleme të brendsheme po na përdor në rast se ne jemi burimi i shqetësimit të tyre të brendshëm sa i takon problemit të krimit të organizuar, në Hollandë e cështjes së azilkëruesve.”
Në fund, Ilir Meta tha se duhet të reagojmë në mënyrë të besueshme që këto besime të shuhen në javët dhe muajt në vijim ndërsa idetë tjera, siç u hodhë nga Vuçiç dhe Rama “Shendeni Ballkanik” e konsideron të papranueshme:
“Të bëjmë të qartë se sa jemi të gatshëm të përmbushim cdo detyrim në këtë proces, cdo ide tjetër edhe informale qoftë për cdo alternative tjeter për vendet tona është e papranueshme dhe e padobishme, jo vetëm për vendet tona por edhe për vendet e BE.”
