Thirrje Edi Ramës/ S’jemi në garë, Basha: Merri inxhinierët çojë në terren!

Një javë pas tragjedisë së 26 nëntorit, Kryetari i Partisë Demokratike, Lulzim Basha, tha nga Sukthi se njerëzit janë në një gjendje shumë të vështirë ndërsa i bëri thirrje qeverisë të jetë në krye të detyrës dhe  mos ta konsiderojë garë propozimin e opozitës, po të marrë inxhinierët t’i çojë në terren.

“Jam i revoltuar dhe i shqetësuar me situatën që kamë parë në Ishëm Manëz, Bubq, duket që ka një paralizë totale. Kemi propozuar tre pika për tata që kanë vullnetin të dëgjojnë. Pika e parë vjen pas diskutimeve me inxhinier. Të përshpejtojnë procesin e vlerësimit, njerëzit duhet ta dinë, a mundtë kthen më aty, a mund të riparohet? Por pa pasur këtë qartësi askush nuk bën dot asgjë.”

Ekspertët, tha Lulzim Basha, i kemi në vendin tonë që janë të gatshëm ta bëjnë këtë pa pagesës

“Na janë ofruar bëjnë këtë që prej dy ditësh, i janë ofruar opozitës se kryeministri ishte në mbledhje me artistë. 500 inxhinierë, t’i organizojë këta 500 inxhinierë. Gjëja e parë që më kërkuan njerëzit është që të përshpejtojnë procesin e vlerësimit. Angazhimi i burimeve njerëzore do të përshpejtonte procesin e vlerësimit dhe do të jete një pasqyrë të qartë të dëmit. Pastaj vjen faza tjetër, si do ta rikuperojmë këtë dëm.”

Propozimi ynë, tha me këtë rast lideri i opozitës, është i qartë.

“Ti çojmë paratë tek njerëzit që kanë nevojë, të shmangim abuzimet. Të gjitha fshatrat rreth e qark kanë pësuar dëme, kush më shumë e kush më pak. I bëj thirrje qeverisë të jetë në krye të detyrës, nuk jemi në garë, mos ta konsiderojë garë propozimin e opozitës, po të marrë inxhinierët t’i çojë në terren. Njerëzit janë në nevoja të jashtëzakonshme, për një batanije. Foshnje që flenë në makinë. Dhe nuk është një familje po janë shumë.”

Boll me llafe, boll më me shfaqje, tha Kryetari i Partisë Demokratike, Lulzim Basha, kjo situatë ka nevojë për veprime konkrete ndërsa përfundoi:

“T’i shkojmë në ndihmë njerëzve, nuk ka kohë për manovra, për llafe. Të kalojmë fondet nga oligarkët te njerëzit në nevojë. Gjëja e parë që duhet bërë është të studiohet çdo objekt që duhet shembur. Ndërtesat e shembura duhet të shërbejnë si provë materiale, kjo nuk mund të kalojë pa përgjegjësi.”