Thirrje liderëve politikë, Ambasadorja e SHBA: Bashkë kundër COVID-19
Duke vlerësuar se tani nuk është koha për politikë, Ambasadorja e SHBA në Tiranë, Yuri Kim, i ka bërë thirrje Presidentit Meta, Kryeministrit Rama dhe liderit të opozitës Basha, të jenë të unifikuar në këto kohë kundër COVID-19.
“Presidenti Ilir Meta, kryeministri Edi Rama, lideri i opozitës Lulzim Basha duhet të jenë të unifikuar në këto kohë kundër Covid-19. Tani nuk është koha për politikë si zakonisht. Nuk mund të fitojmë luftën pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë,” thekson Ambasada e Shteteve të Bashkuara në Shqipëri duke e konsideruar normale lodhjen nga masat e rrepta që po zbatohen, por shton se duhet të qëndrojmë vigjilentë.
Ja postimi i plotë:
Presidenti Ilir Meta, kryeministri Edi Rama, lideri i opozitës Lulzim Basha duhet të jenë të unifikuar në këto kohë kundër Covid-19. Tani nuk është koha për politikë si zakonisht. Nuk mund të fitojmë luftën pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë.
Masat e rrepta janë duke u marrë në numër të konsiderueshëm, dhe është normale që të ndiheni të lodhur, por duhet të qëndroni vigjilentë. Të gjithë ne, përfshirë edhe Ambasadën Amerikane në Tiranë, duhet të vazhdojmë të bëjmë punën tonë për të qenë të gjithë të shëndetshëm.
