Thirrje nga Elbasani/ Presidentit, Balla: Dekreto Ramën ministër të Jashtëm, ke kohë deri në 17:00

Jo vetëm për Prefektin e Ri, por kryetar i grupit parlamentar të PS, Taulant Balla nga Elbasani ka folur edhe për dekretimin e kryeministrit Edi Rama si ministër i Jashtëm, pas refuzimit që i bëri presidenti Ilir Meta, Gent Cakës.

Taulant Balla tha se sot duhet të marrë fund ngërçi i dekreteve dhe Presidenti ka afat deri në orën 17:00:

“Të gjithë kandidatët e propozuar nga KM plotësojnë kriteret. Meta nuk mund të sillet si kreu alternativ i opozitës. Shpresoj që Meta të ketë përgjigje brenda orës 17:00, Presidenti të bazohet në Kushtetutë.”

Ndryshe, Parlamenti i Shqipërisë sot në orën 17 zhvillon seancë të jashtëzakonshme, ku priten të votohen Dekretet e Presidentit për shkarkimin  e gjashtë Ministrave dhe Zv/kryeministres si dhe emërimin e 6 Ministrave dhe Zv/kryeministrit të ri.