Thirrje për revoltë, Berisha: Kjo parti shtet mund të përmbyset vetëm me një front opozitar!

Për shkak të apatisë që mbizotëron, frika është e përhapur thellë, tha Kryetari i Partisë Demokratike, Sali Berisha duke folur para Kryetarëve të Degëve për detyrimet që kanë, sot kur revolta, pakënaqësia ndaj këtij regjimi zgjedh dhe vlon jo vetëm në zëmrat e demokrateve, por tek një përqindje e madhe e qytetarëve pa parti.

Duke konstatuar se përballë PD është një parti shtet, Kryetari i Partisë Demokratike duhet të lëviz në në rang lokal, kombëtar dhe kudo, ndërsa përmbyset vetëm me një front opozitar.

“Kjo gjendje shndërron në letër të pavlerë të gjithë aksionin e demokratëve nga shtatori gjer sot që bënë një mrekulli absolutisht të vërtetë për Shqipërinë dhe Europën. Ngritën në këmbë forcën e tyre politike si forcë të vërtetë opozitare, kundrejt presioneve terrorit, trysnive, të shumëllojta të jashtëzakonshme. Ata presin udhëheqjen tani. Ata presin tani një drejtim nga ne. Revolta, pakënaqësia ndaj këtij regjimi zgjedh dhe vlon jo vetëm në zëmrat e demokrateve, por ju garantoj dhe në një përqindje të madhe të qytetarëve pa parti por edhe të partisë Socialiste. Po përsëri sot për shkak të kësaj apatie, frika është e përhapur thellë. Është për detyrimet tona që kemi.

Sot nuk mund të ketë mësues të kënaqur, kur prej 8 vitesh ai nuk sheh asnjë përmirësim real të gjendjes së tij personale, të gjendjes familjare të fëmijëve që mëson dhe prindërve që takon. Shikon vetëm rënie, vetëm mospërfillje përçmim.  Po kjo kaq e vërtet është me mjekët që po ikin masivisht për shkak të shpërfilljes së plotë nga ky regjim. Dhe për të gjithë profesionistët e të rinjtë,” tha Sali Berisha duke konstatuar se orbita e pakënaqësive dhe njerëzve të revoltuar është shumë e madhe.

“Detyra jonë është të aktivizojmë dhe tërheqim ata në veprimin tonë. Të bëjmë gjithçka për të vendosur bashkëpunim me ta. Të bëjmë gjithçka për të identifikuar çdo organizatë dhe grup interesi, çdo individ influent dhe çdo aleat tonin që ne do të duhemi të krijojmë me shpejtësi frontin opozitar. Ne jemi në situatë absolutisht shumë më të vështirë sesa në vitin 1991. Po pse ja u them unë këtë në vitin 1991 ne kishim një regjim monist, komunist por ai ishte një rrokullisje botërore, s’ra në Shqipëri por në të gjithë botën”.

Duke llogaritur në 44 mijë demokratët që iu përgjigjen në cdo kohë, ai tha se kjo parti shtet mund të përmbyset vetëm me një front opozitar.

“Ku jemi ne? Më të fortë se kurrë. Kemi 44 mijë ‘luftëtarë’ që na u përgjigjën në çdo kohë. U konfirmuan 44 mijë luftëtarë, anëtarë të PD, një pakicë që mund të kryejë me sukses, mund të ndërtojë një lëvizje të fuqishme shpëtimtare për Shqipërinë. Këta 44 mijë luftëtarë kërkojnë që të mobilizohen. Kemi të bëjmë me një parti shtet, ajo përmbyset me një front opozitar, kjo është jetike për ne. Ne duhet të ecim në rang lokal, kombëtar dhe kudo. Përballë kemi një armik të egër që me vendosjen e monizmit paraqitet për demokracinë, armik më i rëndësishëm pas Enver Hoxhës. A do të pranojmë ne monizmin? Bordet vetëm në 3muaj i kanë plaçkitur shqiptarëve 340 mln euro. Po qeveria merr 150 lekë më shumë për litër nafte TVSH. Qytetarët shqiptarë paguajnë më shtrenjtë naftën, orizin.”, tha Berisha.

Duke u shprehur se kombi pret vetëm veprimin e Partisë Demokratike, Sali Berisha, tha para kryetarëve të degëve të PD duke u ndalur te Ballkani i Hapur, si akti më i madh, sipas tij, i tradhtisë ndaj kombit shqiptar.

“Asnjë se pranon por ne duhet të ngjallim besimin e tij se me lëvizjen tonë do ti japim përgjigjen e merituar këtyre praktikave çnjerëzore. Pra ne kemi një terren të jashtëzakonshëm dhe pret vetëm veprimin tonë. Ajo që ndodh sot me shqiptaret nuk ndodh me asnjë komb tjetër. Le të ndalemi te Ballkani i Hapur. Akti më i madh i tradhtisë ndaj kombit shqiptar. Shqiptarët i detyrojnë Albin Kurtit mbrojtjen nga një projekt që vendos hegjemoninë e pastër serbe. Nga një projekt që në vend të sanksionojë bashkëpunimin me kushte të barabarta, bën sanksionimin e Kosovës nga Beogradi.

Dhe e paraqit Prishtinën si sherri i Ballkanit, ndërkohë që sherri i Ballkanit është Beogradi. Kam dëgjuar që flasin për lirinë ekonomike. Por “TheEconomist” thotë se nga projekti i Ballkanit të Hapur përfiton vetëm Serbia dhe ajo është jashtëzakonisht e paanshme. Por kjo seri gënjeshtarësh, aparteidesh që bëjnë avokatinë e këtij projekti, u them atyre citoni një nen të këtij traktati. A nuk deklaroj Vuçiç në Novisad që ky traktat është 740 faqesh. Kush e ka parë këtë, çfarë ka të shkruajtur në 740 faqe të këtij gangsteri. Askush nuk e di. Por prape vazhdojnë këta gazetarë aparteid.

I gjithë rrjeti i Soros është ngritur në këmbë në Kosovë e Shqipëri për të mbrojtur Ballkanin e Hapur. Çdo fermeri duhet t’i shkojmë ne shpi dhe ti themi se ça mynxyre është Ballkani i Hapur. Se si duhet të matet fermeri i Korçës i Elbasanit, që fermeri serb merr 80 euro subvencion për hektarë kur ky këtu merr as 2 euro. Këta xhahid dhe apartit që mbrojnë projektin dhe flasin, këta dinë vetëm ç’është Beogradi dhe George Soros dhe paratë e tij.”

Ballkani i Hapur, tha Kryetari i PD, është projekt rus dhe për këtë po punon Edi Rama:

“Flet nga Ohri si hokatar i bujqësisë. Flet si Ngjela, që s’di ça flet, është bërë Ngjela bis. Ballkani i Hapur është projekt rus. është thënë me miliona herë. E firmos Lavrov. Për këtë po punon Edi Rama. Ky është Ballkani i Hapur në rrafshin politik. E përgënjeshtron dot Lavrovin? Asgjë! Pse këta kërkojnë influenca ruse, Vuçic dhe Rama? I kërkojnë sepse vetëm në këtë mënyrë ata janë duarlirë që të bëjnë c’të duan. Në Europë dhe në botë nuk gjen dy si këta të lidhur me krimin. Këta janë sot zyrtarët më të lidhur me krimin në Europë dhe botë, iu duhet se BE e dinë se nuk i pranon dot me këto lidhje të tmerrshme me krimin që kanë. Kjo është e vërteta e tyre. T’i kundërvihemi procesit të Berlinit që ka 30 mln investime, por që asnjë qindarkë nuk vidhet, dhe të bëhet me tendera alla-Ahmeti apo Erion Veliaj apo me negociata të mbyllura, por me transparencë,” u shpreh Kryetari i PD Sali Berisha, duke vlerësuar se PD është në mision të madh, ndërsa përfundoi:

“Jo vetëm në mbrojtjen e interesit kombëtar, por të çdo prodhuesi në fshat dhe qytet. E dini se kush e pëlqen Ballkanin e hapur? Vetëm ndërtuesit. E di më tha njëri që jam pro tij dhe më tha; apartamentet më shiten. Po tani që këtë projekt e mbështeti publikisht Sergei Lavrov, a mund të fshihet Soros se po punon bashkë me rusët për destabilizimin e Ballkanit.”