Thirrje shqiptarëve, Ambasadorët e SHBA&BE: Mos e fal dhe mos e shit votën!

Ambasadorët e SHBA dhe shteteve të BE në një mesazh të përbashkët për qytetarët në prag të zgjedhjeve të 25 Prillit bëjnë apel për të mos e falur apo shitur votën dhe njëzëri shprehen: “Demokracia është e paçmueshme!”

Elsa Hastad, Ambasadore e Suedisë: Së shpejti, do të kemi zgjedhje këtu në Shqipëri.

Fiona McCluney, Koordinatore e Përhershme e OKB-së: Dhe për demokracinë zgjedhjet janë ngjarja më e rëndësishme.

Marcos Alonso Alonso, Ambasador i Spanjës: Vota jote është e jotja.

Peter Japelj, Ambasador i Sllovenisë: Nuk është dhuratë.

Vincenzo Del Monaco, Kryetar i Prezencës së OSBE-së: Prandaj, mos e fal!

Momtchil Raytchevski, Ambasador i Bullgarisë: Dhe mos e shit!

Yuri Kim, Ambasadore e SHBA: Në ditën e votimeve, voto!

Luigi Soreca, Ambasador i Bashkimit Europian: Dhe vendos ti për të ardhmen e vendit!

“Demokracia është e paçmueshme”, deklaruan ambasadorët së bashku.