Thirrje SPAK-ut, Basha: Në pranga anëtarët e grupit të strukturuar kriminal!

Buxhetin e vitit të 2021 i cili u miratua nga qeveria e cilësoi si aktin e fundit të hajdutërisë së Edi Ramës që ka humbur çdo gjë, ndërsa pas paditës së tretë të PD për grupin e strukturuar kriminal lidhur me inceneratorët, Kryetari i i Partisë Demokratike, Lulzim, Basha i ka bërë thirrje SPAK-ut të mos inkurajon vjedhjen dhe të kyç në pranga anëtarët e grupit të strukturuar kriminal,

”Buxheti më i papërgjegjshëm në 30 vite, gënjeshtra më e madhe në 30 vite, dhe tablo më e qartë e Ramës ndaj shqiptarëve, shqiptarët përballë një njeri, që edhe në muajt e fundit zgjat dorën në xhepat e shqiptarëve.

Kam këtu tabelën se sa kontrata PPP ka planifikuar Rama të japë për vitin që vjen. Kurrë s’ka qenë më e qartë zgjedhja e një qeevrie, të zbatojë planin me 5 pika apo të vijojë vjedhjen deri në ditët e fundit të saj,” tha Lulzim Basha duke konstatuar se Buxheti i vitit 2021 i cili është miratuar nga qeveria nuk ekziston.

“Buxheti 2021 nuk ekziston. Akti i fundit i hajdutërisë, i një qeverie që ka humbur çdo gjë. Dua t’i drejohem çdokujt që sheh veten e vet, të jetë shumë i kujdesshëm, sepse bashkëpjesëmarrja në zhvatjen e parasë së qytetarëve do t’i bëjë fajtorë. Do doja shumë që zgjedhjet të ishin këtë të dielë, asgjë s’do  na ndalojë ta marrim e ta rikthejmë çdo para të zhvatur e vjedhur,” tha lideri i Opozitës së Bashkuar duke garantuar se në Maltë a në Qipro, në Singapor a në Hong-Kong, me ligjin që ka propozuar PD, ua gjejnë paratë, ua sekuestrojnë, konfiskojnë, dhe ua kthejnë shqiptarëve.”

Për ata që e kanë menduar që me këtë qeveri të bëjnë marrëveshje, kryetari i PD ka një porosi të veçantë:

“Në emër të prindërve shqiptarë që kanë humbur vendet e punës dhe s’kanë të paguajnë për bukën e fëmijës, në emër të mjekëve dhe infermierëve që janë te vetmit në rajon që s’kanë përkrahje, në emër të pensionistëve që ka ndarë 6 herë më pak, çdokujt që ka ndërmend të krijojë një lidhje kontraktuale 4 muajt e fundit, të jetë shumë e kujdesshme pasi çdo kontratë do kalojë nga ligji anti-mafia,” tha Basha dhe kjo vetëm për një arsye:

“S’kam për t’i lënë pensionistët pa pensione, vogëlushët në mjerim, dhe shqiptarët që nuk u jepet kacidhe. Do ua nxjerrim nga kostot, nga hunda çdo qindarkë që u kanë vjedhur shqiptarëve.”

Pas denoncimeve të shumta dhe sot kur PD bëri dhe kallëzimin e tretë pranë SPAK për grupin e strukturuar kriminal ndërsa Prokuroia e Posaçme kundër Korrupsiont dhe Krimit të organizuar vazhdon e heshtë, vjen dhe thirrja e Kryetarit të Partisë Demokratike:

“Zotërinj ju inkurajoni vjedhjen, hajdutërinë, bashkëpërgjegjës që shqiptarët nuk po marrin masat lehtësuese kanë 3 javë e një ditë që po i përsëris ditë për ditë,” tha Kryetari i PD, Lulzim Basha duke përfunduar:

“Sot është koha të hapni gojën, dhe të kyçni në pranga anëtarët e grupit të strukturuar kriminal, pasi shqiptarët nuk po marrin dot lekë e tyre edhe pse paguajnë taksa.”