Thyhet memoriali turk në Tiranë. Policia jep detajet…

Memoriali turk te Kodrat e Liqenit në Tiranë, i vendosur me rastin e rastin e 3 vjetorit të grushtit të dështuar të shtetit në Turqi, në 15 korrik të vitit 2016, është dëmtuar gjatë natës.

Në vendngjarje është policia e cila ka rrethuar zonën ku ndodhet memoriali ndërkohë ka dhënë edhe një informacion paraprak:

“Në orët e para të mëngjesit, tek parku i Liqenit të Thatë, një person ende i paidentifikuar ka dëmtuar me sende të forta një pjesë të një memoriali. Grupi hetimor po kryen veprimet me qëllim identifikimin dhe kapjen e autorit.“

Ndryshe, sulmi ndaj memorialit turk vjen pas debateve, kundërshtive dhe protestave kundër vendosjes së tij, i cili kohë më parë, u rrethua edhe me letra higjenike, në shenjë të kundërshtimit të një memoraili në Tiranë që nderon viktimat e një shteti tjetër, të rënë në atë shtet, Turqisë së Recep Tayyip Erdogan.