TIA , vetëm në dy aeroporte mund të udhëtohet drejt Italisë
Vetëm në dy aeroporte mund të udhëtohet nga Rinasi drejt Italisë, pas pezullimit të fluturimeve për shkak të përhapjes së koronavirusit. Ato janë aeroporti i Romës dhe i Barit.
Tirana International Airport ka njoftuar se pas pezullimit të fluturimeve në 10 aeroporte të Italisë në mëngjes, tashmë ai është zgjeruar dhe për dy të tjera, Torinon dhe Ankonën.
Në mëngjes TIA njoftoi se njofton të gjithë pasagjerët se në vijim të situatës së krijuar në Itali për shkak të përhapjes së COVID-19, masave të marra nga qeveria italiane për vendosjen e karantinës në veri të Italisë, si dhe masave parandaluese të përhapjes së virusit në vendin tonë, në zbatim të urdhrit të Ministrisë së Infrastrukturës dhe Energjisë, do të anullohen të gjitha fluturimet për dhe nga Aeroporti Ndërkombëtar “Nënë Tereza” sipas listes së mëposhtme:
- Aeroporti Milano Malpensa (MXP)
- Aeroporti Milano Bergamo (BGY)
- Aeroporti Bologna (BLQ)
- Aeroporti Firenze (FLR)
- Aeroporti Genoa (GOA)
- Aeroporti Perugia (PEG)
- Aeroporti Pisa (PSA)
- Aeroporti Rimini (RMI)
- Aeroporti Venezia (VCE)
- Aeroporti Verona (VRN)
Kësaj liste tashmë i shtohen dhe Ankona dhe Torina
Ky pezullim hyn në fuqi menjëherë, deri në një njoftim të dytë.
Ndryshe, Autoriteti Aviacionit Civil ka lëshuar menjëherë udhëzimin drejtuar Aeroportit Ndërkombëtar “Nënë Tereza” dhe ofruesit të shërbimit të lundrimit ajror “Albcontrol” për nxjerrjen e njoftimeve të nevojshme për zbatimin e këtij kufizimi të fluturimeve për/nga aeroportet e lartpërmendura, deri në një njoftim të dytë.
Koronavirusi mbërrin në Shqipëri
Ministria e Shëndetësisë konfirmoi të hënën dy rastet e para me koronavirur në Shqipëri, babë e bir që ishin kthyer nga Italia.
Pas konfirmimit të dy rasteve të para me koronavirus në Shqipëri, qeveria u mblodh me urgjencë këtë të hënë.
Masat që do të vihen në zbatim që sot, janë ndalimi i fluturimeve drejt veriut të Italisë, pezullimi i shkollave për një periudhë 2 javore, anulimi i tubimeve, konferencave apo takimeve publike, deklaroi kryeministri Rama.
“Pas konfirmimit të dy rasteve, ka ardhur momenti në ndjekje të protokollit të OBSH. Masat e sotme, për t’u vënë në zbatim: Pezullimi i fluturimeve direke në veri të Italisë, dhe praktikisht në zonat e kuqe, deri më 3 prill. Mbyllja e institucioneve arsimore për një periudhë dy javore. Duket të kuptuar se të rinjtë apo fëmijët për shkak se duhet të shkojnë në shkollë dhe të mblidhen së bashku mund ta transmetojnë virusin te të tjerët, pavarësisht se te ata nuk paraqet kërcënues në jetën e shkollën. Kërkojmë anulimin e të gjitha tubimeve konferencave takimeve deri në 3 prill. Qytetarët duhet të vetkarantitohen. Vetëkarantinimi është një element që gjendet dhe në ligjin tonë aktual dhe po ashtu shoqërohet dhe me masa administrative të këtij rregulli. Dhomat e izolimit në shërbimin infektiv janë funksionale. Po punohet për të pasur gjithë stokun e materialeve mbrojtëse personale. Do tu lutesha të gjithë atyre që kanë të afërm në spital që të kufizojnë maksimalisht vizitat dhe të lehtësojnë punën e gjithë personelit dhe punën tonë të përbashkët”./Monitor/
