TikTok u mbyll nga Edi Rama, Gjykata Kushtetuese: Vendim antikushtetues, cenoi lirinë e shprehjes!

Gjykata Kushtetuese ka shpallur vendimin për mbylljen e platformës TikTok nga Edi Rama, duke e vlerësuar se ishte një vendim antikushtetuese i cili ka cenuar lirinë e shprehjes.

Sipas vendimit të Gjykatës Kushtetuese, bllokimi i TikTok përbën ndërhyrje në të drejtën për lirinë e fjalës dhe shprehjes, një e drejtë e garantuar nga Kushtetuta.

Gjykata thekson se çdo kufizim i tillë duhet të jetë i arsyetuar dhe proporcional me qëllimin që synohet të arrihet.

Në përfundim të shqyrtimit të çështjes, me arsyetimet, Gjykata Kushtetuese vendosi:

1. Pranimin pjesërisht të kërkesës.

2. Konstatimin e cenimit të lirisë së shprehjes dhe të lirisë së shtypit si rezultat i zbatimit të Vendimit të Këshillit të Ministrave nr.151, datë 06.03.2025 “Për marrjen e masave të përkohshme për shmangien e ndikimeve negative të platformës on-line ‘Tik-Tok'”.

Vendimi përfundimtar do të shpallet i arsyetuar brenda afareve ligjore të parashikuara nga ligji nr.8577, datë 10.02.2000 “Për organizimin dhe funkisonimin e Gjykatës Kushtetuese të Republikës Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese.

Ndryshe, në prag të zgjedhjeve të 11 Majit 2025, në pamundësi për vendos kontroll mbi denoncimet e korrupsionit të qeverisë që opozita bënte përmes rrjetit social TikTok, Kryeministri Edi Rama vendosi më 6 Mars të bllokon këtë rrjet social duke e akuzuar për ndikim negativ që kishte në rininë shqiptare; Ndikim të cilin ai dhe qeveria e tij nuk e panë me përfundimin e zgjedhjeve parlamentare!