Tiranë, 52 racistë grekë shpallen NON GRATA, Athina zyrtare: Shqipëria të largohet nga veprimet…

Pas deklaratës së Zv/ministrit të Brendshëm, Sandër Lleshi, sot në një konferencë të jashtëzakonshme ku bëri të ditur se janë bërë verifikime dhe 52 shtetas grekë janë shpallur non grata pas thirrjeve raciste që bënë ditën e djeshme në Bularat, ka reaguar menjëherë Ministria e Jashtme e Greqisë, duke kërkuar sqarime lidhur me shpalljen e këtyre shtetasve grekë NON GRATA.

“Në këtë moment delikat, presim prej Shqipërisë të largohet prej veprimeve që rëndojnë marrëdhëniet dypalëshe. Presim sqarime të bazuara për shpalljen masive të 52 grekëve “non grata” prej autoriteteve shqiptare. Mbetemi të vendosur në ndërtimin e marrëdhënieve të besimit, dhe të njëjtën gjë, presim edhe prej fqinjëve tanë,” theksohet deklarata e Ministrisë së Jashtme greke.

Ndryshe, mbas ngjarjeve të ndodhura gjatë ceremonisë së varrimit të Kostandinos Kaçifas, policia ka bërë verifikimet e duhura dhe sot  Zv/ministri i Brendshëm, Sandër Lleshi, tha se 52 shtetas grekë janë shpallur NON GRATA.