Tiranë, aksident i rëndë, 2 të vdekur dhe 2 të plagosur

Një aksident i rëndë ka ndodhur mbrëmjen e sotme tek rreth-rrotullimi  i Tapizës, ku kanë humbur jetën dy persona.

Sipas policisë, viktima kanë mbetur shoferi 34-vjeçar me inicialet E.H dhe pasagjerja 28-vejçare me inicialet RR.Gj.

Ndërkoh dy të plagosurit janë transportuar për në spital dhe për momentin janë jashtë rrezikut për jetën.

Njoftimi i policisë:

Në segmentin Tapizë-Kamëz tek rrethrrotullimi  i Tapizës, mjeti markes Audi më targa AA 086 RF, që drejtohej nga shtetasi E.H, 34 vjeç,  ka humbur kontrollin duke dalë nga rruga dhe për pasojë ka gjetur vdekjen drejtuesi i mjetit si dhe pasagjerja  shtetasja RR.Gj 28 vjeçe.

Gjithashtu janë dëmtuar dhe janë transportuar për në spital për momentin jashtë rrezikut për jetën edhe dy shtetase të tjera që ishin pasagjere në këtë mjet.

Grupi hetimor ndodhet në vendngjarje dhe po punon për përcaktimin e plotë të shkakut të daljes nga rruga.