Tiranë-Elbasan/ Gjiknuri në SPAK, për rrugën që filloi me 240 mln € dhe përfundoi 400 mln €!

Ish-Ministri i Infrastrukturës dhe Energjisë aktualisht Sekretar i Përgjithshëm i Partisë Socialiste, Damian Gjiknuri, sot në SPAK ka dëshmuar për hetimet mbi rrugën Tiranë-Elbasan.

Pas përreth 40 minutave sa e morën në pyetje në Prokurorinë e Posaçme, ai u shpreh:

“Isha për të dëshmuar për një nga abuzimet më të mëdha rruga Tiranë-Elbasan që ishte kontraktuar për t’u ndërtuar me një vlerë që nisi me 240 milionë euro dhe përfundoi me një kosto 400 mln euro. Shpjegimet e mia i dhashë në prokurori, kështu që nuk kam gjë për të shtuar,” tha Damian Gjiknuri pa dhënë detaje mbi dëshminë e tij në SPAK.

Ndryshe, në kohën kur kostoja e rrugës Tiranë-Elbasan po shkonte drejt dyfishimit, Damian Gjiknuri në cilësinë e Ish-Ministrit të Transporteve, kallëzoi në prokurori, abuzimet financiare që, sipas tij, ishin bërë nga ish-drejtuesit e ARRSH në rrugën Tiranë-Elbasan.