Tiranë, Kryepeshkopi Anastas Janullatos përcillet për në banesën e fundit

Sot është përcjellë për në banesën e fundit trupi i pajetë i Kryepeshkopit të Tiranës, Durrësit dhe gjithë Shqipërisë, Anastas Janullatos. Trupi i Kryepeshkopit Anastas Janullatos do të prehet në Kriptën e Katedrales Ortodokse “Ngjallja e Krishtit” në Tiranë.

Në ceremoninë e lamtumirës për Kryepeshkopin Anastas Janullatos morën pjesë krerët e shtetit shqiptarë, Kryeministri grek, Kyriakos Mitsotakis, liderët e Kishave Ortodokse në botë si dhe Patriarku Ekumenik Bartholomeu i cili drejtoi edhe meshën

Kryepeshkopi i Tiranës, Durrësit dhe gjithë Shqipërisë, Anastas Janullatos, ndërroi jetë më 25 janar 2025 në Athinë.  Më datë 28 janar, mbërriti në Tiranë trupi i pajetë i kryepeshkopit. Për dy ditë, në Katedralen “Ringjallja e Krishtit” në kryeqytet u mbajtën homazhe në nderim të figurës së tij, ndërsa sot më 30 janar iu dha lamtumira e fundit.