Tiranë, sot Presidenti i Gjermanisë mesazh për deputetët shqiptarë

Sot Presidenti i Gjermanisë, Frank Walter Steinmeier, vizitën e tij dyditore në Shqipëri e nis me takimin që do zhvilloi me homologun shqiptar Bajram Begaj për t’iu drejtuar më pas deputetëve shqiptar në një seancë të posaçme të Parlamentit të Shqipërisë, me një mesazh të qartë për vendosmërinë që duhet ndjekin në rrugën drejt Bashkimit Europian, duke zbatuar reformat e nevojshme për këtë proces me drejtësinë, ekonominë dhe administratën dhe prioritetin e prioriteteve, luftën kundër krimit të organizuar dhe korrupsionit.

Sot është parashikuar dhe një takim i Presidentit të Gjermanisë me kryeministrin Edi Rama dhe një vizitë në Muzeun e Sigurimit “Shtëpia e Gjetheve”, ku pritet të zhvillohet një diskutim mbi përballjen me të kaluarën komuniste dhe një bisedë me nxënës nga gjashtë vendet e Ballkanit Perëndimor.

Në Berat, Presidenti Federal do të njihet me projekte zhvillimore bashkëpunimi shqiptaro-gjermane. 

Ndryshe, kjo është hera e parë që Presidenti i Gjermanisë, Frank Walter Steinmeier, viziton zyrtarisht Shqipërinë që kur erdhi në këtë post më 19 mars 2017.