Tiranë, vritet me armë zjarri ish-polici

Një person është vrarë sot me armë zjarri në Tiranë.

Mesohet se viktima është një ish-punonjës policie, i identifikuar si Arben Bilali, i cili u qëllua pranë zonës së Tiranës së re dhe ka ndërruar jetë në spital.

Autorët pasi kanë qëlluar në drejtim të ish-efektivit të Policisë së Shtetit janë larguar nga vendngjarja me një makinë tip “Benz”.

“Rreth orës 14:35 në zonën e Selitës është plagosur me armë zjarri një shtetas i moshës rreth 50-vjeç, i cili ndërroi jetë në spital,” thekson policia përmes një njoftimi. 

Policia ka ngritur postblloqe dhe po punon për identifikimin e autorëve ndërkohë janë edhe në vendngjarje ku po punohet për zbardhjen e ngjarjes.

Ndryshe, në vitin 2010, viktimës i kanë vrarë edhe vëllain, Leonard Bilali, një ish mundës i Dinamos.