Tjetër përplasje në Kuvend/ Noka sherr me Braçen: Bashkë me Kryeministër do ju…

Mbledhjet e Komisioneve Parlamentare duket se janë shoqëruar me debate të forta dhe tensione mes deputetëve të PD dhe PS. Pas sherrit te Komisioni i Ligjeve mes Klevis Balliut dhe Ulsi Manjës, në Komisionin e Ekonomisë protagonist ishin Flamur Noka dhe Erion Braçe.

Noka, ka paralajmëruar një tjetër përgjim nga PD për Agron Xhafajn dhe ka paralajmeruar shumicën se nese nuk reflekton do të thyejë qafen.

Kreu i komisionit, Erjon Braçe ka ndërhyre duke thënë se nuk pyesin dhe as u bëjnë përshtypje kërcënimet për marrje pushteti me dhunë.

“Së shpejti do keni një përgjim i ri që provon se Agron Xhafaj  vijonte trafikun e drogës, gjatë kohës që vëllai i tij ka qenë ministër i Brendshëm. Largimi i Agron Xhafajt në Itali ishte një lëvizje dinake për t’u hedhur hi syve njerëzve. Materiali i dytë që do dalë do jetë vërtetim katarcipërisht i faktit se Agron Xhafaj ishte aktiv në trafikun e drogës, kur vëllai i tij ishte ministër. Nëse të shtunën nuk lirojnë ministrin, bëhuni gati se do ju largojmë me gjithë kryeministrin”, theksoi Noka.

Debati

Noka: Së shpejti një përgjim i ri që provon se Agron Xhafaj  vijonte trafikun e drogës, gjatë kohës që vëllai i tij ka qenë ministër i Brendshëm. Largimi i Agron Xhafajt në Itali ishte një lëvizje dinake për t’u hedhur hi syve njerëzve. Materiali i dytë që do dalë do jetë vërtetim katarcipërisht i faktit se Agron Xhafaj ishte aktiv në trafikun e drogës, kur vëllai i tij ishte ministër. Nëse të shtunën nuk lirojmë ministrin, bëhuni gati se do ju largojmë me gjithë kryeministrin

Braçe: Bujrum, merreni me dhunë pushtetin, si në vitin 1996. Kërcënimet janë të rënda në raport me ligjin.