Tjetërsimi i pronave/ “Rana e hedhun”, kërkohen 3 vite burg për ish-kryebashkiakun e Lezhës

Prokuroria e Lezhës ka dhënë sot pretencën për 19 personat e vënën nën akuzë për tjetërsimin e pronave te Rana e Hedhun, në Shëngjin. Për grupin e të pandehurve, prokurori Erjon Shehaj ka kërkuar 43.6 vite burg; Për Ish-Kryetarin e Bashkisë Lezhë, Fran Frrokaj, është kërkuar dënimi me 3 vite burg ndërsa për Ish-Kryetarin e Qarkut, Gjok Ndoka, 4 vite burg. Ndërkohë që  është kërkuar të asgjesohen praktikat e regjistrimit te pasurisë që është tjetërsuar.

Ndryshe, Fran Frrokaj u akuzua se në bashkëpunim me persona të tjerë  duke abuzuar me detyrën kanë kanë falsifikuar, tjetërsuar dhe përvetësuar 234.548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.

Fran Frrokaj u arrestua pas një operacioni spektakolar policor në vitin 2018, së bashku me 11 zyrtarë të tjerë, por më pas u la në arrest shtëpie.