Tom Doshi dhe Yuri Kim në Shkodër, Ambasadorja e SHBA: Kjo është dita juaj!

Ambasadorja e SHBA në Tiranë, Yuri Kim, sot e ka nisur ditën me vëzhgimin e procesit të votimit të qytetarëve shqiptarë nga Shkodra me një mesazh të qartë: Kjo është dita juaj! Pas vizitës në Qendrën e Votimit në Shkollën e Mesme “28 nëntori” ajo u shprehë:

“Shpresojmë që çdo qytetar shqiptar do shkojë të votojë i lirë. Kjo është dita juaj!”

Ndryshe, Tom Doshi ishte njëri ndër tre kandidatët që Sekretari amerikan i Shtetit i ka shpallur të padëshiruar për shtetin amerikan ndërsa Ambasadorja Kim ka kërkuar nga Komisioni Qendror të Zgjedhjeve të mos jenë as në listat zgjedhore; Kërkesë të cilën KQZ nuk e përfilli duke iu referuar ligjeve shqiptare.

Ndërkohë Ambasada e SHBA në Tiranë ka publikuar foto me ekipet e tyre të monitorimit në terren për zgjedhjet parlamentare në Shqipëri me të njejtin mesazh: Sot është dita juaj!

“Sot është një ditë e rëndësishme për demokracinë në Shqipëri! Ekipet e Ambasadës së Shteteve të Bashkuara të Amerikës janë shpërndarë sot në të gjithë Shqipërinë, për të vëzhguar procesin e votimit dhe numërimit. Ja disa prej fotove që kemi marrë nga ekipet tona! Ne do të jemi duke vëzhguar! Sot është dita juaj!”