Tomorr Alizoti, drejtues politik i PD-së për Qarkun Berat

Drejtues politik i Partisë Demokratike në Qarkun Berat është emëruar, Tomorr Alizoti.

Tomorr Alizoti i cili vjen nga një familje e njohur patriotike, ishte anëtar i Këshillit Bashkiak Tiranë, antëtar i Kryesisë së PD dhe së fundi dhe kreu i Departamentit të të Përndjekurve Politikë pranë Partisë Demokratike.

Alizoti ka mbaruar studimet e larta për Gjermanistikë dhe më tej për Sociologji në vitin 2006 në Manhaim në Gjermani. Në vitin 2007 ka kryer kolegjin diplomatik të Berlinit. Në Berlin ka shërbyer si Sekretar i Parë për 4 vite në Ambasadën e Shqipërisë.

Emërimi i Tomorr Alizotit si drejtues politik në Qarkun Berat vjen pas emërimit të Xhelal Mëziut si drejtues politik në Dibër, Edmond Spahos në Korçë, Mark Markut në Lezhë, Edi Palokës në Durrës, Gazment Bardhit në Elbasan, Enkelejd Alibeajt në Fier dhe Helidon Bushatit në Qarkun Shkodër.

Tashmë kanë mbetur vetëm tre qarqe për t’u zyrtarizuar drejtuesit politik të Partisë Demokratike: Gjirokastra, Kukësi dhe Tirana.