Toni Kuka “mbret” i botës

Ttrajneri kosovar i xhudos Driton Kuka ka fituar çmimin e trajnerit më të mirë të vitit 2021 në këtë sport ndërsa Distria Krasniqi është zgjedhur xhudistja më e mirë e vitit 2021..

Kuka fitoi dy medalje të arta në Lojërat Olimpike Tokio 2020, me ndihmën e dy xhudisteve Distria Krasniqi dhe Nora Gjakova.

Trajneri kosovar në garën për çmimin në fjalë kishte kundërshtarë si trajneren Yvonne Bonisch të Austrisë, Kosei Inoue të Japonisë, Christophe Gagliano nga Franca dhe trajnerin e Suedisë Robert Eriksson.

“Faleminderit shumë, nuk kam internet shumë të mirë por jam shumë i lumtur. Siç e thash në fillim është një nder i madh që të jesh në Top 5 e trajnerëve, kjo është e rëndësishme. Dhe mes nesh, të gjithë që nuk e fituan nuk është problem, por jam shumë i lumtur sepse ky është një çmim për Kosovën, ky çmim është për shtetin tonë të vogël, dhe njerëzit tanë të mirë, sepse ata ishin të gatshëm për të votuar për ne”, tha Toni Kuka pasi kuptoi që kishte fituar çmimin e trajnerit më të mirë në botë për vitin 2021. 

Nërsa Distria Krasniqi, me votat e publikut është zgjedhur xhudistja më e mirë e vitit 2021.

Distria Krasniqi arriti që këtë vit kalendarik ta mbyll me dy medalje të arta, ku fillimisht u bë kampione e Evropës, e më pas triumfoi në Lojërat Olimpike Tokio 2021, duke i sjellë Kosovës medaljen e artë.

“Të them të drejtën nuk e prisja. Por dua të falënderojë të gjithë që ndanë kohën për të votuar për mua. Dhe jam pa fjalë, jam shumë shumë e lumtur. Mendoj që ky çmim është gjëja më e madhe në karrierë, sepse të jesh kampione olimpike është mirë, por të fitosh këtë çmim për të gjitha kategoritë, është diçka speciale. Kështu që dua të falënderojë të gjithë që kanë votuar për mua, dhe kjo më motivon që të tregoj xhudo të mirë në të ardhmen, dhe të jem gjithmonë më e mirë,” tha Distria Krasniqi pasi kuptoi që kishte fituar çmimin e xhudistes më të mirë të vitit 2021.