Tornado i merr jetën mbi 100 amerikanëve, shpallet katastrofë e madhe në Kentucky
Shërbimet e shpëtimit në Kentucky vazhdojnë kërkimin në gërmadha pas disa tornadove të fuqishme që kanë goditur këtë shtet amerikan ndërkohë autoritetet raportojnë se janë mbi 100 të vdekur dhe nuk ka më shpresa për të mbijetuar.
Guvernatori i Kentucky-it, Andy Beshear, tha se në shtetin e tij kanë vdekur të paktën 80 persona dhe ai numër mund të shkoj mbi 100, por shpreson vetëm në çudi meqë kanë kaluar mbi 24 orë kur në gërmadha është gjetur viktima e fundit.
“Në fillim, të gjithë së bashku do të pikëllohemi, më pas të gjithë së bashku do të fillojmë rindërtimin,” tha Beshear mbrëmë duke shtuar se vetëm një tornado ka përshkuar një sipërfaqe prej 365 kilometrave ose gati sa i gjithë Kentucky, ka sqaruar Guvernatori Beshear.
Ndërkohë 6 persona kanë humbur jetën në një depo në Amazon të Illinois, 2 në Arkansas kur u shemb një azil për pleqë, 4 në Tennessee dhe 2 në Missouri.
Shumë shtëpi dhe godina të mëdha janë shkatërruar në Illinois, Arkansas, Tennessee e Missouri por absolutisht qyteza më e goditur është Mayfield në jugperëndim të Kentucky, ku jetojnë 10 mijë banorë, ku shtëpitë janë rrafshuar me tokë, pemët janë shkulur ndërsa janë shkatërruar edhe fabrikat dhe komisariati i policisë si dhe ai i zjarrfiksëve.
The most intense damage I have found in #Mayfield. The entire path in the town is less than 2% of the total path length. Homes with only slabs remaining. #Tornado #wxtwitter pic.twitter.com/nXxoxNBVhY
— WxChasing- Brandon Clement (@bclemms) December 11, 2021
“Janë rrënuar edhe godinat më të forta”
Në fabrikën e qirinjve në Mayfield, ku në momentin e goditjes së tornados ishi 110 persona, tetë kanë humbur jetën ndërkohë operacioni i kërkim-shpëtimit vazhdon, tha zëdhënësi i kompanisë Mayfield Consumer Products, Bob Ferguson, duke përgënjeshtruar lajmin se në fabrikë kanë humbur jetën 70 persona.
Më shumë se 300 pjesëtarë të Gardës Kombëtare po largon gërmadhat, po shpërndahet uji dhe gjeneratorë, ndërsa Agjencia federale për menaxhimin e krizave po hap strehimoret dhe po dërgon ekipe si dhe ushqim, duke përfshirë 30 mijë vakte dhe 45 litra ujë.
Guvernatori Beshear ka sqaruar se bëhet fjalë për tornadot më shkatërrimtare në historinë e këtij shteti ku janë rrënuar dhe godinat më të forta.
“Tornado nuk ka hequr vetëm çatitë, që jemi mësuar në të kaluarën. Shtëpi të tëra janë bërë rrafsh me tokë. Njerëzit dhe kafshët thjeshtë janë zhdukur,” tha Beshear.
A devastating, yet incredible, view from a drone in Bowling Green, Kentucky showing the path of destruction from a tornado. Video comes from @WHAS11 our @TEGNA affiliate in Louisville @wusa9 pic.twitter.com/eh7vDqB8P4
— Tom Hunsicker (@TomSportsWUSA9) December 11, 2021
Biden shpall katastrofën e madhe në Kentucky
Presidenti amerikan Joe Biden e ka shpallur gjendjen e katastrofës së madhe në Kentucky, tha zyrtari i administratës, dhe bëhet fjalë për një vendim që i hap rrugë dhënien e ndihmave federale.
Këtë vendim dje zyrtarisht e ka kërkuar zyrtarisht Guvernatori Andy Beshear.
Biden mori kërkesën dhe e miratoi mbrëmë, tha zyrtari i administratës.
