Tradita vazhdon, njerëzit e dështuar – Ambasador të Shqipërisë në Kosovë!

Mëngjesi i sotëm i zgjoi shqiptarët me lajmin mbi propozimin, pra, emërimin, e Nëndrejtorit të Shërbimit Informativ të Shtetit, Oljan Kanushi si Ambasador i Shqipërisë në Slloveni, duke harruar se kemi të bëjmë me një person me profil të lartë që degdiset në një shtet pa kurrfarë peshe, për ta larguar nga këmbët e Drejtores së re në shërbim të Kryeministrit Edi Rama.

Por, ndër 12 propozimet e Kryeministrit Edi Rama, për fat të keq, spikat një traditë që vazhdon nga Tirana zyrtare, ku vetëm spiun të Sigurimit të Shtetit dhe njerëz të dështuar i emërojnë Ambasadorë në Kosovë.

I tillë është rasti me Petrit Malajn, i cili si kandidat i Partisë Socialiste në zgjedhjet e fundit parlamentare u kundërshtua për përfaqësues të popullit në vendlindjen e vetë Tropojë, por kjo nuk e pengon Edi Ramën madje e bënë me qëllim, që po këtë njeri ta emëroj si përfaqësues të popullit të Shqipërisë në Kosovë!

Dhe jo vetëm kaq! Njeriu që nuk u bë dot përfaqësues i popullit në Qarkun e Kukësit, do të përfaqësoj shtetin shqiptar për problemet më të mëdha që ka ky qark si zonë kufitare që është me Kosovën.

Ndryshe, Kryeministri Edi Rama ka propozuar emrat për ambasadorë në 12 këto vende:

Petrit Malaj – Kosovë

Oljan Kanushi – Slloveni

Bardhyl Canaj – Serbi

Genc Pecani – Rusi

Qirjako Qirko – Hungari

Artur Kuko – Holandë

Albana Dautllari – Suedi, Islandë e Norvegji

Mimoza Halimi – Poloni

Sokol Dedja – Danimarkë

Inid Milo – Bullgari

Entela Gjika – Spanjë

Ilir Hysa – Kuvajt