Trafik ndërkombëtar i drogës Shqipëri-Mali i Zi, kapen 35 kg marijuanë

Policia kufitare e Malit të Zi ka arritur të kap 35 kg marijuanë në kufirin Shqipëri-Mali i Zi duke ndërprerë një trafik ndërkombëtar të drogës.

“Dyshohet se droga në fjalë është transportuar përmes rrugës malore nga Shqipëria në Mal të Zi, nga dy persona të cilët sapo vrejtën policinë kanë hedhur çantat me drogë dhe janë larguar në drejtim të Shqipërisë,” thuhet në komunikatën e Policisë Kufitare të Malit Zi pasi gjetën mëngjesin e sotëm dy çanta ku ishin 35 pako me marijuanë.

Drogën e kapur, Policia Kufitare e dorëzoi në Qendrën e Sigurisë në Podgoricë ndërsa për rastin janë informuar zyrtarët e Departamentit për luftën kundër krimit të organizuar dhe korrupsionit.