Trafikantë të qenieve njerëzore, Yuri Kim: Do ju ndalohet hyrja në SHBA, prona…

Nëse trafikoni qenie njerëzore do ju pezullohet hyrja në SHBA, nëse keni vizë ajo nuk do iu hyjë më në punë, do të merren veprime për pronën tuaj nëse ka lidhje me SHBA, ishin disa nga masat që renditi Ambasadorja e SHBA, Yuri Kim, duke u bazuar në Urdhrin e ri të Presidentit Biden ku përfshihet edhe Shqipëria.

‘’Biden e ka bërë të qartë që korrupsioni dhe krime destabilizuese përbejnë kërcënime jo vetëm për SHBA, por edhe për botën. Shqipëria për integrimin në BE nuk i kërkohet asgjë më pas, urdhri i Biden lidhur me Balkkanin Perëndimor e ngre në përparësi, synojmë përgjegjësit ose bashkëpunëtorët për abuzimin me të drejtat e njeriut të jenë pas hekurave, dërgojini në burg trafikantët. Nëse trafikoni qenie njerëzore do ju pezullojmë hyrjen në SHBA, nëse keni vizë ajo nuk do iu hyjë më në punë, nëse trafikon qenie njerëzore do të marrë veprime për pronën tua nëse ka lidhje me SHBA, urdhri i Biden kërkon veprim kolektiv,” tha Ambasadorja e SHBA në Tiranë, Yuri Kim, në konferencën “Përpjekje të përbashkëta për të luftuar trafikimin e qenieve njerëzore në Shqipëri” organizuar nga OSBE.

Me këtë rast, Ambasadorja amerikane e bëri të qartë se presin bashkëpunimin me OSBE për të zbatuar përgjegjësitë së brendshmi dhe së jashtmi për qëllimin e përbashkët.

“Shqipëria është në një pikë kthese, është anëtare e NATO-së, sapo fituar një vend në OKB dhe Shqipëria është në prag të hapjes formale të negociatave me BE, ky është momenti për Shqipërinë që të tregojnë udhëheqjeje për problematikën e trafikimit të qenieve njerëzore,” tha Ambasadorja amerikane Yuri Kim duke përfunduar:

“Falë reformës në Drejtësi, ju e dini që keni profesionistët për të vendosur trafikantët pas hekurat dhe për të ndihmuar viktimat, le të punojmë së bashku për të luftuar trafikimin e qenieve njerëzore.”