Trafikonin femra shqiptare, arrestohen dy persona në Prizren

Policia e Kosovës, gjatë kontrollit të një makine në rajonin e Prizrenit – Dragash, ka arrestuar dy persona nën dyshimin për trafikim me njerëz.

Rasti ka ndodhur rreth orës 01:30 pas mesnatës.

Gjatë verifikimit të makinës policia ka identifikuar tri femra të nacionalitetit shqiptar që ishin pjesë e këtij trafikimi.

Personat e dyshuar janë intervistuar  dhe me vendim të prokurorit kompetent  ndalohen për 48 orë. Ndërkaq, femrat e trafikuara janë dërguar për ekzaminim mjekësor dhe janë ndërmarrë veprimet për strehimin e tyre sipas procedurave të parapara për raste të tilla.