Trafiku i drogës nga Amerika Latine! Eliminohet shqiptari në Kolumbi, plagoset shoqëruesja e tij! 

Një shqiptar ka ndërruar jetën si pasojë e një atentati në Kolumbi.

Viktima e atentatit i cili ndodhi pasditen e së dielës, sipas mediave kolumbiane, është identifikuar si Artur Tushi, 44 vjeç, i lindur në Shqipëri, por me dokumente ekuadoriane.

Mësohet se vrasësi me pagesë është arrestuar ndërkohë që po arratisej nga vendngjarja me një motor, ndërsa me vete iu gjet edhe arma e krimit.

Nga atentati ka mbetur e plagosur edhe një grua e cila ishte me Tushin në momentin që u qëllua.

Hetimet tregojnë se rrjetet shqiptare kanë një rol kyç në trafikun e drogës në Amerikën Latine, duke përdorur Ekuadorin si bazë kryesore për operacionet e tyre transatlantike.

Prezenca e emisarëve të këtyre grupeve kriminale nga Ballkani në Amerikën e Jugut, raportojnë mediat kolumbiane, është bërë me qëllim të negocimit të drejtpërdrejt të çmimit më të ulët me prodhuesit e kokainës.